სიახლეების გამოწერა

დმანისის მუნიციპალიტეტის მერი გიორგი ტატუაშვილი, მოადგილესთან ბადრი სუბართან ერთად სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორს ქეთევან მახარაშვილს, მის მოადგილესა და სკოლის წარმომადგენლებს შეხვდა. შეხვედრა გაცნობითი ხასიათის იყო.

ჟვანიას სახელობის სკოლის დირექტორმა მუნიციპალიტეტის ხელმძღვანელ პირებს სკოლის სასწავლო პროგრამების შესახებ პრეზენტაცია გააცნო, რაც მოიცავს ორ ძირითად მიმართულებას: სახელმწიფო ენის სწავლებასა და დარგობრივ პროგრამებს.

ჟვანიას სკოლის დირექტორმა მუნიციპალიტეტის მერს ასევე სკოლის საქმიანობის ძირითადი პრიორიტეტები, მიღწევები და სამომავლო გეგმები გააცნო.