სიახლეების გამოწერა

☑️26 ივლისს, დმანისის მუნიციპალიტეტში, პანტიანის ტბის მიმდებარე ტერიტორიაზე ,,დმანისობა 2018“ აღინიშნა. 

☑️დმანისობის დღესასწაულს ესწრებოდნენ ქვემო ქართლის მუნიციპალიტეტების წარმომადგენლები,დმანისის მუნიციპლაიტეტის მაჟორიტარი დეპუტატი კახაბერ ოქრიაშვილი.

☑️ადგილობრივ მცხოვრებლებსა და რეგიონის სტუმრებს სცენიდან პირადად მიულოცეს დმანისის მუნიციპალიტეტის მერმა გიორგი ტატუაშვილმა,დმანისის მუნიცილაპიტეტის მაჟორიტარმა დეპუტატმა კახაბერ ოქრიაშვილმა,ქვემო ქართლის გუბერნატორის მოადგილემ ზაურ დარგალმა და და რუსთავის მერმა ირაკლი ტაბაღუამ, რომელმაც დმანისობის აღსანისნავად დმანისის მერს გიორგი ტატუაშვილს  გადასცა რუსუდან მეფის ვერცხლის მონეტა რომელიც დათარიღებულია 1230 წლით.

☑️ღონისძიების ფარგლებში  გაიმართა კოცერტი სადაც მონაწილეობა მიიღეს როგორც დმანისის მუნიციპალიტეტის ასევე  ქვემო ქართლის მუნიციპალიტეტიდან წარმოდგენილმა ანსამბლებმა.

☑️სცენაზე შესრულდა ქართულ და აზერბაიჯანულ მოტივებზე შექმნილი სასიმღერო და საცეკვაო ნომრები. სადღესასწაულო განწყობის შექმნაზე იზრუნეს აგრეთვე დმანისის კულტურისა და ხელოვნების ცენტრის შემოქმედებითმა კოლექტივებისა და ბავშვთა სტუდიების წარმომადგენლებმა. მოეწყო ეთნოგრაფიული ნივთების, ხატვისა და ხალხური რეწვის სტუდიის აღსაზრდელთა ნამუშევრების გამოფენა. პარალელურად მიმდინარეობდა სპორტული შეჯიბრებები ძალოსნობაში,მკლავჭიდსა და ჭიდაობაში. ღონისძიების ბოლოს გამოვლინდნენ სპორტულ შეჯიბრებებში გამარჯვებულები, რომლებიც დაჯილდოვდნენ ფულადი პრიზებით.

☑️ღონისძიების ფარგლებში ასევე ჩატარდა კულინარიული მასტერკლასები  როგორც ქართული ასევე საქართველოში წარმოდგენილი ეთნიკური უმცირესობების ტრადიციული სამზარეულოდან.

☑️დმანისის მუნიციპალიტეტის ინიციატივით დღის განმავლობაში მსურველებს ემსახურებოდა უფასო საზოგადოებრივი ტრასპორტი ქალაქი დმანისიდან პანტიანის ტბის მიმართულებით.

☑️აღნიშული ღონისძიება დმანისის მუნიციპალიტეტის მერიის განათლების,კულტურის, სპორტისა და ახალგაზრდობის საქმეთა სამსახურის და ააიპ "დმანისის კულტურისა და ხელოვნების ცენტრი"-ს ორგანიზებით ჩატარდა.