სიახლეების გამოწერა

სოფლის მხარდაჭერის პროგრამის ფარგლებში, მოსახლეობის მოთხოვნით, დმანისის მუნიციპალიტეტის სოფელ განთიადის საბავშვო ბაღში ახალი საბავშვო ატრაქციონები დამონტაჟდა.ატრაქციონების შეძენა-მონტაჟის სამუშაოები შპს "EXSIM MADE" - მ შეასრულა სოფლის მხარდაჭერის პროგრამის ფარგლებში თანხით 7200 ლარი. სამუშაოებს ინსპექტირებას უწევდა დმანისის მუნიციპალიტეტის მერიის სივრცითი მოწყობისა და ინფრასტრუქტურის სამსახური.

დღეს დმანისის მუნიციპალიტეტის ააიპ ,,ჯანდაცვის ცეტრში" სამუშაო ვიზიტით იმყოფებოდნენ მსოფლიო ბანკის წარმომადგენლები (სტეფან დორი, ფატიმა ბერი), რომლებიც გაეცვნენ ადგილობრივ სოციალურ პროექტებს, საზოგადობრივი ჯანდაცვის ცენტრის მიერ განხორციელებულ საქმიანობას, კითხვარის შესაბამისად ააიპ ,,საზოგადოებრივი ჯანდაცვის დირექტორმა" ნინო ონანაშვილმა მიაწოდა დმანისის მუნიციპალიტეტში არსებული სიტუაციის შესახებ ინფორმაცია ჯანმრთელობის ზოგადი მდგომარეობის შესახებ ( რომელი დაავადების, ინფექციის, ან სხვა ჯანმრთელობის მდგომარეობის საფრთხის შემცველი ვირუსია გავრცელებული), მათ თავიანთი ვიზიტის ფარგლებში დაათვალიერეს ქალაქ დმანისში მდებარე ცენტრალური კლინიკა. სამუშაო შეხვედრას ასევე ესწრებოდა დმანისის მერიის ჯანმრთელობისა და სოციალური დაცვის სამსახურის ხელმძღვანელი მეგი ედიბერიძე.

მიმდინარე წლის 11 ივნისს, დმანისის ცენტრალურ სტადიონზე "შუქრი ჩხეტიანის სახელობის ტურნირი" - ის ფარგლებში მინი ფეხბურთში შეხვედრები გაიმართა.

ერთმანეთს დაუპირისპირდნენ: "განთიადი -" კარაბულახი " 4-7, "მალალეტკები" - "მაშავერა" 5-2, "ბავარია"-"ჯავახი" 7-2, "გომარეთი" - "ამამლო" 4-3.

შეხვედრებში გამარჯვებული გუნდები ("მალალეტკები" - "კარაბულახი","ბავარია" - "გომარეთი"), ნახევარფინალში 13 ივნისს 17:00 საათზე - ცენტრალურ სტადიონზე დაუპირისპირდებიან ერთმანეთს.

დმანისის მუნიციპალიტეტის მერიის მხარდაჭერით, ქალაქ დმანისში საქართველოს სპორტ ცეკვების ასოციაციის GDSA სარეიტინგო შეჯიბრება - "ქვემო ქართლის თასი 2019" გაიმართა.

ტურნირის ორგანიზატორები მასპინძლები იყვნენ ა(ა)იპ კულტურისა და ხელოვნების ცენტრის სამეჯლისო და სპორტ ცეკვების სტუდიის ხელმძღვანელები (დები) ნანა და ნონა ანსიანები.

ტურნირში მოცეკვავეები საქართველოს სხვადასხვა რეგიონიდან (კასპი,მცხეთა,რუსთავი, თბილისი და ა.შ) იღებდნენ მონაწილეობას.

სხვადასხვა ასაკობრივ კატეგორიაში გათამაშდა მედლები და თასები, სადაც ადგილობრივმა აღსაზრდელებმა საპრიზო ადგილები დაიკავეს და წარმოადგინეს საჩვენებელი ნომრები.

ტურნირის დასასრულს სტუმრები, მასპინძლებთან და მონაწილეებთან ერთად დმანისის მუზეუმს და ნაქალაქარს ესტუმრნენ, მათ მეგზურობა გაუწია პროფესორმა ჯუმბერ კოპალიანმა.

აღსანიშნავია, რომ ასოციაციის ეგიდით ქალაქ დმანისში ეს იყო პირველი ღონიზძიება, ტურნირის ორგანიზატორები მადლობას უხდიან დმანისის მუნიციპალიტეტის მერიას და ააიპ დმანისის კულტურისა და ხელოვნების ცენტრს.

სოციალური პროგრამის ფარგლებში, დმანისის მუნიციპალიტეტის მერიამ, დღეს განსაკუთრებული საჭიროების მქონე ათ პირს გადაადგილებისათვის დამხმარე ეტლები გადასცა.

ა(ა)იპ დმანისის მუნიციპალიტეტის საზოგადოებრივი ჯანდაცვის ცენტრი შეურთდა აქციას "მაისის წნევის გაზომვების თვე."აღნიშნული კამპანიის ფარგლებში არტერიული ჰიპერტენზიის სკრინინგი განხორციელდა დმანისის მუნისციპალიტეტის ტერიტორიაზე, კერძოდ: სოფელები: გუგუთი, კაკლიანი, ზემო ოროზმანი და ქალაქი დმანისი.

დღეს დასრულდა ანიმაციური ფილმების მე-11 საერთაშორისო ფესტივალი „თოფუზი“.
 „ანიმაციის განვითარების ფონდი“-ს ორგანიზებით და დმანისის მუნიციპალიტეტის თვითმმართველობის მხარდაჭერით გუშინ დაიწყო ანიმაციური ფილმების მე-11 საერთაშორისო ფესტივალი „თოფუზი“. 
ფესტივალი გასართობ-შემეცნებითი ხასიათისაა და მუნიციპალიტეტში ორი დღე მიმდინარეობდა. გუშინ მოეწყო ვორქშოპი „ანიმაცია ურთიერთობის მხატვრული ფორმაა“, სადაც ხატვის ნიჭით დაჯილდოვებული ახალგაზრდები გაეცნენ ანიმაციის წარმოების პროცესს და პროფესიონალ ანიმატორებთან ერთად შექმნეს მოკლემეტრაჟიანი ანიმაციური ფილმი, რომელიც მონაწილეობას მიიღებს ქალაქ ბათუმის ანიმაციური ფილმების საერთაშორისო ფესტივალში „თოფუზი“საკონკურსო პროგრამაში „ბავშვების მიერ შექმნილი საუკეთესო ანიმაციური ფილმი“. ფესტივალის დასასრულს ნაჩვენები იყო ვორქშოპზე შექმნილი ანიმაციური ფილმი, რომელიც მაყურებელს თავად ავტორებმა წარუდგინეს.
საერთაშორისო ფესტივალი „თოფუზი“- ის ფარგლებში ანიმაციური გმირების კოსტუმებში გამოწყობილმა მსახიობებმა დღეს ბავშვებთან ერთად მოაწვეს ქუჩის თეატრალიზებული მსვლელობა ე.წ. „ბარაბან-შოუ“. ბავშვებისთვის კინოჩვენების შემდეგ გაიმართა წამახალისებელი ვიქტორინა, გამარჯვებულებს გადაეცათ სიმბოლური საჩუქრები. ანიმაციური ფილმის ავტორები დაჯილდოვდნენ დიპლომებით.

დღეს დმანისის მუზეუმმა სეზონი გახსნა.
სეზონის გახსნასთან დაკავშირებით დმანისის ნაქალაქარში ადამიანის ევოლუციის ამსახველი ციფრული პლატფორმის პირველი ეტაპის პრეზენტაცია გაიმართა, რომელიც ეროვნული მუზეუმის, ბიზნესისა და ტექნოლოგიების უნივერსიტეტის თანამშრომლობის ფარგლებში შეიქმნა.

"სილიკონ ველი" თბილისის სპეციალისტებმა, საქართველოს ეროვნულ მუზეუმთან პარტნიორობით, დმანისის მუზეუმში არსებული არტეფაქტების 3 D მოდელების რეალურ გარემოში ინტეგრაცია დაიწყეს. არტეფაქტების პირვანდელი მდგომარეობის შესაბამისად, ერთიანი ვიზუალიზაცია უპრეცედენტოა საქართველოს სამუზეუმო სივრცისთის და დამთვალიერებელს მუზეუმში ვიზიტისას სრულიად ახალ, განსხვავებულ გამოცდილებას სთავაზობს.

დმანისის მუნიციპალიტეტი აცხადებს ტენდერს, დმანისის მუნიციპალიტეტში სოფელ ლოქჭანდარში მისასვლელ გზაზე არსებული ორი მილხიდის მოწყობისა და სოფელ ირგანჩაიში მდინარის კალაპოტის ჩაღრმავებისა და მილხიდის მოწყობის სამუშაოების შესყიდვა

ქ.დმანისში ტურისტული საინფორმაციო ცენტრისთვის შენობის რეაბილიტაციის სამუშაოების შესყიდვა

ქ.დმანისში გორგასლის ქუჩა N6, N8; 9 აპრილის ჩიხი N3, ვახტანგ მეფის ქუჩა N3, 26 მაისის ქუჩა N3, N7, N5, N11; N15 წმინდა ნინოს ჩიხი N3, 9აპრილის ქუჩა N34 საცხოვრებელი კორპუსის სახურავზე სავენტელაციო შახტების მოწყობისა და საწვიმარი სისტემის მოწყობის სამუშაოებისა და ქ.დმანისში წმინდა ნინოს ჩიხი N1 კორპუსის სახურავისა და გამსახურდიას ქუჩაზე მდებარე საპატრიაქოს შენობის სახურავის რეაბილიტაციის სამუშაოების საპროექტო-სახარჯთაღრიცხვო დოკუმენტაციის მომზადების მომსახურების შესყიდვა.

დმანისის მუნიციპალიტეტში, ტურისტულ ობიექტებთან საპიკნიკე სივრცეებისა და სველი წერტილების თანამედროვე სეპტიკებით მოწყობის სამუშაოების, საფეხმავლო ბილიკების და მანიშნებლების მოწყობის სამუშაოებისა და ტურისტულ ობიექტების შემოღობვა და განათების მოწყობის სამუშაოების საპროექტო-სახარჯთაღრიცხვო დოკუმენტაციის შედგენის მომსახურების შესყიდვა.

ქ.დმანისში 9 აპრილის ჩიხი N4-ში მდებარე ააიპ ,,დმანისის კომუნალური სამსახურის“ სპეცმანქანებისთვის ე.წ. ფარდულის მოწყობის სამუშაოების, ქ.დმანისში კულტურის სახლის სამაყურებლო დარბაზის სარეაბილიტაციო სამუშაოების,დმანისის მუნიციპალიტეტში შიდა სახელმწიფო გზასთან უსახური შენობების რეაბილიტაციის სამუშაოების, დმანისის მუნიციპალიტეტის სოფელ გომარეთში და სოფელ იფნარში ადმინისტარიული შენობის ეზოს შემოღობვის სამუშაოების საპროექტო-სახარჯთაღრიცხვო დოკუმენტაციის შედგენის მომსახურების შესყიდვა

ქ.დმანისში წმინდა ნინოს ქუჩა N54-ში მდებარე ცენტრალური სკვერის ტერიტორიაზე საბავშვო ატრაქციონების და სავარჯიშოების მოწყობის სამუშაოების შესყიდვა

ქ. დმანისში სსიპ საგანგებო სიტუაციების კოორდინაციისა და გადაუდებელი დახმარების ცენტრის სასწრაფო-სამედიცინო დახმარების რაიონული სამსახურის ტიპიური შენობა N3-ის სამშენებლო სამუშაოების შესყიდვა

დმანისის მუნიციპალიტეტის სოფელ შინდლარის ეკლესიის სახურავის რეაბილიტაციის სამუშაოების შესყიდვა

ქ.დმანისის ქუჩების მოასფალტების, სოფ.დიდი დმანისისა და სოფ.ვარდისუბნის რ/ბ არხების მოწყობის სამუშაოების შესყიდვა

დმანისელი ფეხბურთელების წარმატება. დმანისის "აისის" ფეხბურთელებმა მორიგი გამარჯვება მოიპოვეს.

მიმდინარე წლის 1 ივნისს დმანისის გუნდმა "აისი"  მორიგი კალენდარული თამაში გამართა სტუმრად გორში, "გორის1"-ის ფეხბურთელებთან და დაამარცხა ანგარიშით 6:1. ამ გამარჯვებით მათ ანგარიშზეა დამატებითი სამი ქულა. მომდევნო კალენდარულ თამაშს "აისი"  10 ივნისს, საკუთარ მოედანზე გამართავს  და დაუპირისპირდება კაზრეთის "სიონს".

დასაწყისი 17:00 საათზე.

ვუსურვოთ ჩვენს ფეხბურთელებს წარმატება.

დღეს, ბავშვთა დაცვის საერთაშორისო დღესთან დაკავშირებით ააიპ "დმანისის მუნიციპალიტეტის სკოლამდელი აღზრდის სამსახურის" დაქვემდებარებაში შემავალ საბავშვო ბაღის ეზოებში ღონისძიებები გაიმართა, სადაც მონაწილეობა მიიღეს საბავშვო ბაღის აღსაზრდელებმა.

ღონისძიების პროგრამა იყო მრავალფეროვანი. ბავშვებმა შეასრულეს ქორეოგრაფიული და მუსიკალური ნომრები, წაიკითხეს ლექსები.

პატარებს ლამაზი დღე დმანისის მუნიციპალიტეტის მერმა გიორგი ტატუაშვილმა და ქვემო ქართლის რწმუნებულის მოადგილემ - ზვიად ჭუნაშვილმა მიულოცეს.

მიმდინარე წლის 24-26 მაისს ქალაქ თბილისში გაიმართა საქართველოს პირველობა კიკბოქსინგში. 
ტურნირში მონაწილეობა მიიღო დმანისის ა(ა)იპ ომარ მუმლაძის სახელობის სპორტული სკოლის 5 სპორტსმენმა, რომლებმაც შემდეგი საპრიზო ადგილები გადაინაწილეს: გიორგი მარტიაშვილი პირველი ადგლი 57 კგ; 
თახმაზ ბაირამოვი მეორე ადგილი 34 კგ;
რავილ აბდურახმანოვი მეორე ადგილი 45კგ; 
საბა მარტიაშვილი მესამე ადგილი 32 კგ და რამილ აბდურახმანოვი მესამე ადგილი 75 კგ.

დმანისელი ფეხბურთელების წარმატება.

მიმდინარე წლის 25 მაისს, დმანისის საფეხბურთო გუნდმა "აისი" საკუთარ მოედანზე მორიგი კალენდარული თამაში გამართა  და დაუპირისპირდა გარდაბნის გუნდს.

თამაში დასრულდა ანგარიშით 6:1 დმანისის "აისის" ბრწყინვალე გამარჯვებით, რის შედეგადაც  მიითვალა მორიგი სამი ქულა.

მეხუთე ტურის შემდეგ, "აისი" დაწინაურდა და სატურნირო ცხრილში საქართველოს თხუთმეტ გუნდს შორის იმყოფება მეორე ადგილზე. 

მორიგი კალენდარული თამაში გაიმართება გორში, სადაც ერთამენთს დმანისის "აისი" და გორის "გორი 1" დაუპირისპირდებიან ერთმანეთს. 

ვუსურვოთ ჩვენს ფეხბურთელებს წარმატება და გამარჯვება. 

 ️ააიპ დმანისის კულტურისა და ხელოვნების ცენტრის მიმდებარე ტერიტორიაზე გაიმართა საქართველოს დამოუკიდებლობის დღისადმი მიძღვნილი დასკვნითი საზეიმო კონცერტი, ადგილობრივი ქორეოგრაფიული და ფოლკლორული ანსამბლების, მუსიკალური სტუდიების და ახალგაზრდული ცენტრის წარმომადგენელთა მონაწილეობით.

საქართველოს დამოუკიდებლობის დღისადმი მიძღვნილი კვირეულის ფარგლებში მორიგი ღონისძიება გაიმართა. 

საქართველოს დამოუკიდებლობის დღისადმი მიძღვნილი კვირეულის ფარგლებში, არასამთავრობო ორგანიზაცია "პირველი ევროპელის" ორგანიზებით, 24 მაისს ქალაქ დმანისის კულტურისა და ხელოვნების ცენტრის საკონცერტო დარბაზში დმანისის მგალობელთა გუნდმა "ლორე"-მ დმანისის კულტურისა და ხელოვნების ცენტრის საგალობლების სტუდიის აღსაზრდელებთან ერთად სოლო კონცერტი გამართა. ღონისძიების პირველ ნაწილში მოეწყო დმანისის მუნიციპალიტეტში არსებული კულტურული ძეგლების ფოტო-გამოფენა. მეორე ნაწილი კი დაეთმო ფოლკლორის საღამოს.

იმდინარე წლსი 24 მაისს, დმანისის მუნიციპალიტეტის საკრებულოს 2019 წლის 24 მაისს 12 საათზე მოწვეული რიგგარეშე სხდომის დღის წესრიგის მიხედვით განიხილეს შემდეგი საკითხები: 

დმანისის მუნიციპალიტეტში საქართველოს დამოუკიდებლობის დღისადმი მიძღვნილი კვირეული გრძელდება.

მიმდინარე წლის 23 მაისს, დმანისის მუნიციპალიტეტის მერიის განათლების, კულტურის სპორტისა და ახალგაზრდულ საქმეთა სამსახურის ორგანიზებით, ქალაქ დმანისში, გაიმართა ორი სპორტული აქტივობა ძიუდოსა და ფეხბურთში. შეჯიბრში მონაწილეობა მიიღეს ააიპ "ომარ მუმლაძის სახელობის სპორტული სკოლის" ფეხბურთისა და ძიუდოს წრის აღსაზრდელებმა. 

ფეხბურთი ჩატარდა ორ ასაკობრის კატეგორიაში, 2007-2009 და 2003-2006 წლებში დაბადებულებს შორის. გამარჯვებულ გუნდებს საჩუქრად ბურთი და მეკარის ხელთათმანები გადაეცათ.

ძიუდოს ტურნირი მოიცავდა 8 წონით კატეგორიას. გამარჯვებულები მედლებითა და სიგელებით, დმანისის მუნიციპალიტეტის მერის მოადგილე, არიფ სულეიმანოვა პირადად გადასცა.

საქართველოს დამოუკიდებლობის დღისადმი მიძღვნილი ღონისძიებები დასრულდება 26 მაისს გრანდიოზული კონცერტით.

მიმდინარე წლის 23 მაისს, საქართველოს დამოუკიდებლობის დღისადმი მიძღვნილი კვირეულის ფარგლებში კიდევ ერთი ღონისძიება გაიმართა. ამჯერად  ააიპ ,,დმანისის საბიბლიოთეკო სამსახურის“ ორგანიზებით, დმანისის კულტურისა და ხელვნების ცენტრის ფოიში, ლიტერატურული საღამო მოეწყო.

ღონისძიებაზე დმანისის საბიბლიოთეკო სამსახურის ხელმძღვანელმა, თინათინ თეთრაძემ, ისაუბრა 26 მაისის ისტორიულ მნიშვნელობაზე. საღამოს მონაწილეებმა წაიკითხეს ლექსები, შეასრულეს  ქართული ცეკვები და სიმღერები.

აღსანიშნავია, რომ ღონისძიებაში მონაწილეობა მიიღეს, სოფელ გომარეთისა  და დიდი დმანისის ბიბლიოთეკის წარმომადგენლებმა.

საქართველოს დამოუკიდებლობის დღისადმი მიძღვნილი კვირეულის ფარგლებში ააიპ“დმანისის კულტურისა და ხელოვნების ცენტრის“დარბაზში მერიის განათლების,კულტურის,სპორტისა და ახალგაზრდობის საქმეთა სამსახურის ინიციატივით, ქ.დმანისის საგანმანათლებლო ცენტრისა და საჯარო სკოლის დირექტორების მხარდაჭერთ ჩატარდა ინტელექტუალური შეჯიბრი „დმანისი-2019“. 

შეჯიბრში მონაწილეობა მიიღეს სოფლ გომარეთის, ბოსლების, ჯავახის, იაღუფლოს, დიდი დმანისისა და ქალაქ დმანისის N1 და N3 საჯარო სკოლის პედაგოგებმა და მოსწავლეებმა. გამარჯვება წილად ხვდა ქალაქ.დმანისის N1 საჯარო სკოლის გუნდს. 

გამარჯვებული გუნდის ხუთივე წევრსა და მაყურებლებს შორის გამარჯვებულს საჩუქრად გადაეცათ წიგნები.