სიახლეების გამოწერა

მიმდინარე წლის 12 აპრილს, სოფელ დიდი დმანისის ბიბლიოთეკაში დედაენის დღისადმი მიძღვნილი ღონისძიება გიამრთა, სახელწოდებით "მე მიყვარს ჩემი სახელმწიფო ენა" ღონისძიებაში მონაწილეობდნენ სკოლის მოსწავლეები, პედაგოგები, ადგილობრივი მაცხოვრებლები და ბიბლიოთეკის აქტიური მკითხველები. ღონისძიებას დმანისის მუნიციპალიტეტის მერიის, განთლების, კულტურის, სპორტისა და ახალგაზრდულ საქმეთა სამსახურის ხელმძღვანელი ეკატერინე ოქრიაშვილი, მერის მოადგლე არიფ სულეიმანოვი, საბიბლიოთეკო სამსახურის თანამშრომლები და ადგილობივი მაცხოვრებლები ესრებოდნენ. აღსანიშნავია, რომ დედაენის დღისადმი მიძღვნილი ღონისძიებები გაგრძელდება მიმიდნარე წლის 18 აპრილამდე.

დმანისის მუნიციპალიტეტში მოსახლეობასთან შეხვედრები გრძელდება

მიმდინარე წლის 11 აპრილს,  დმანისის მუნიციპალიტეტის მერი გიორგი ტატუაშვილი, მერიის თანამშრომლებთან და საკრებლოს დეპუტატებთან ერთად სოფლების: მაშავერას, ტნუსის, შინდლარის, იაღუფლოსა და პანტიანის მოსახლეობას შეხვდა.

შეხვედრის მიზანს წარმოადგენდა სოფლის მოსახლეობის პრობლემებისა და საჭიროებების გამოვლენა და კომპეტენციის ფარგლებში დახმარების გაწევა.

მუნიციპალიტეტის მერმა შეხვედრაზე დამსწრე საზოგადოებას  გააცნო მუნიციპალიტეტში მიმდინარე სოციალური პროგრამები, სოფლის მხარდაჭერის პროგრამის ფარგლებში განსახორციელებელი პროექტები და მუნიციპალიტეტის მიერ დაგეგმილი სხვა ინფრასტრუქტურული პროექტები.

აღსანიშნავია, რომ შეხვდრას ესწრებოდნენ მერის წარმომადგენლები ადმინისტრაციულ ერთეულებში.

მოსახლეობასთან შეხვედრები გრძელდება და მოიცავს ყველა ადმინისტრაციულ ერთეულს.

დმანისელი ფეხბურთელების წარმატება

მიმდინარე წლის 11 აპრილს, გარდაბნის მუნიციპალიტეტის სოფელ თელეთში გაიმართა საქართველოსა და ყოფილი საბჭოთა კავშირის ნაკრები გუნდის წევრი, ეროვნული მოძრაობაში დაღუპული, გიორგი(გოჩა) გურულაშვილის ხსოვნისადმი მიძღვნილი 24-ე ტრადიციული გარდაბნის მუნიციპალიტეტის  სპორტული ცენტრის ღია პირველობა ფეხბურთში, 2004-2005 წწ დაბადებულ სპორტსმენებს შორის.

ფინალში წარმატებითნ იასპარეზა დმანისის   „აისი“ და დაიკავა პირველი ადგილი. 

ტურნირის საუკეთესო მეკარედ დასახელდა დმანისის აისის მეკარე, აფრასიძდე ნიკა, რომლსაც  ორგანიზატორებისგან გადაეცა თასი და სიგელი.

ფეხბურთელები დაჯილდოვნენ გადამავალი თასით, მედლებითა და სიგელებით

დმანისის მუნიციპალიტეტის მერიაში ვაკანტურ თანამდებობებზე საჯარო მოხელეთა შესარჩევი კონკურსის მეორე ეტაპი - გასაუბრება შედგა.

აღსანიშნავია, რომ დმანისის მუნიციპალიტეტის მერიაში მიმდინარე წლის 22 მარტს გამოცხადდა კონკურსი ათი ვაკანტური თანამდებობისთვის.

კონკურსის შედეგები აპლიკანტებს კანონით დადგენილ ვადაში ეცნობებათ.

ქვემო ქართლში სახელმწიფო რწმუნებულმა, შოთა რეხვიაშვილმა მოადგილეებთან ერთად, სამუშაო შეხვედრა გამართა მუნიციპალიეტეტების მერებთან და ინფრასტრუქტურის სამსახურების წარმომადგენლებთან. 

შეხვედრას დმანისის მუნიციპალიტეტის მერი, გიორგი ტატუაშვილი და დმანისის მუნიციპალიტეტის მერიის სივრცითი მოწყობისა და ინფრასტრუქტურის ხელმძღვანელი, ლევან მანთაშაშვილი ესწრებოდნენ.

რეგიონის ხელმძღვანელმა პირებმა, მუნიციპალიტეტების მიხედვით, დეტალურად განიხილეს მიმდინარე და დაგეგმილი პროექტების დინამიკა და პროცესში გამოვლენის საჭიროებებზე იმსჯელეს. დაიგეგმა, კონკრეტული ღონისძიებები, რომელიც ქვემო ქართლის რეგიონში ინფრასტრუქტურული პროექტების წარმატებულ განხორციელებას შეუწყობს ხელს.

ქვემო ქართლში სახელმწიფო რწმუნებული, შოთა რეხვიაშვილი, მოადგილეებთან, მუნიციპალიეტეტების მერებთან და რესურსცენტრების ხელმძღვანელ პირებთან ერთად, საგანმანათლებლო მედია-პროექტის ,,ეტალონის“, ავტორსა და წამყვანს, გოჩა ტყეშელაშვილს შეხვდა. 

შეხვედრაზე სახელმწიფო რწმუნებულმა, ქვემო ქართლის მასშტაბით, მოსწავლეთა აკადემიური მოსწრების მზარდ სტატისტიკაზე ისაუბრა. შოთა რეხვიაშვილმა აღნიშნა, რომ განათლების სფერო სახელმწიფოსთვის ერთ-ერთ ძირითად პრიორიტეტს წარმოადგენს და მისასალმებელია ყველა ინოვაციური წამოწყება რომელიც სფეროს, კიდევ უფრო მეტად განავითარებს. 

სამუშაო შეხვედრაზე, გოჩა ტყეშელაშვილმა, ახალი საგანმანათლებლო პორტალის, izrune.ge-ს შესახებ პრეზენტაცია გამართა და რეგიონში მათი საქმიანობის მომავალ პერსპექტივებზე ისაუბრა, რომლის ერთ-ერთი მთავარი და პრიორიტეტუილი მიმართულება არაქართულენოვანი მოსწავლეებისთვის სახელმწიფო ენის გამარტივებული მეთოდით სწავლებაა.

1896 წელს ათენში პირველი თანამედროვე ოლიმპიური თამაშები გაიხსნა. სწორედ ამ ღონისძიების პატივსაცემად, 2013 წლის 23 აგვისტოს გაეროს გენერალურ ასამბლეაზე 6 აპრილი სპორტის საერთაშორისო დღედ გამოცხადდა, რომლის ინიციატორები ოლიმპიური კომიტეტის მაღალჩინოსნები,გამორჩეული სპორტსმენები და კეთლი ნების ელჩები გახლდნენ.

ამ დღეს საქართველო მსოფლიოსთან ერთად „თეთრი ბარათის“ კამპანიით შეხვდა. 

სპორტის საერთაშორისო დღეს, სახელწოდებით - „საერთაშორისო სპორტის დღე მშვიდობისა და განვითარებისათვის“ დმანისის მუნიციპალიტეტი შეუერთდა სხვადასხვა აქტივობებით: 

ჩატარდა მუნიციპალიტეტის მერიის კულტურის, განთლების, სპორტისა და ახალგაზრდობის სამსახურის აწ გარდაცვლილი თანამშრომლის შუქრი ჩხეტიანის სახელობის ტურნირი ჭადრაკში. მონაწილეობდა სხვადასხვა ასაკის 14 ჭადრაკის მოყვარული დმანისელი. პრიზიორებს საჩუქრები, დმანისის მუნიციპალიტეტის მერის მოადგილემ, არიფ სულეიმანოვმა გადასცა.

ღონისძიების ფარგლებში, ააიპ “დმანისის ომარ მუმლაძის სახელობის სპორტული სკოლის“ ძიუდოს წრის პედაგოგებმა, იოსებ გირგვლიანმა, ოლეგ გოშუანმა და გიორგი რეზესიძემ თავიანთ აღსაზრდელებთან ჩაატარეს საჩვენებელი წვრთნები.

საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი აცხადებს ტენდერს: 

• ადგილობრივი მნიშვნელობის გომარეთი-ჭოჭიანის საავტომობილო გზის 7 კმ-იანი მონაკვეთის რეაბილიტაცია
• წინადადებების მიღება იწყება:26.04.2019 00:00
• წინადადებების მიღება მთავდება:01.05.2019 15:30
• შესყიდვის სავარაუდო ღირებულება:6`629`725.00 ლარი
• განცხადების ნომერი:NAT190006383
• შესყიდვის ბმული:http://tenders.procurement.gov.ge/public/?go=300084&lang=ge

5 აპრილს დმანისის მუნციპალიტეტის სოფელ ირგანჩაის საჯარო სკოლაში მოეწყო მცირე გრანტის პროექტის „ჩემი საყვარელი სივრცე“ შემაჯამებელი ღონისძიება, რომელზეც სკოლის აზერბაიჯანული სექტორის მე-9 კლასის მოსწავლეებმა დამსწრე საზოგადოებას წარუდგინეს საგრანტო პროექტის ფარგლებში განხორციელებული აქტივობები. პროექტის მიზანი იყო სკოლის გარემოს გაუმჯობესება, სადაც მოსწავლეებს გაუჩნდებათ სურვილი წაიკითხონ მხატვრული ლიტერატურა, გაიმართება დისკუსიები წაკითხულისა და ნანახის შესახებ, რაც ხელს შეუწყობს კითხვის პოპულარიზაციას, გააღვივებს წიგნის სიყვარულს.

მცირე გრანტის პროექტი „ჩემი საყვარელი სივრცე“ განხორციელდა სამოქალაქო განათლების პროგრამის „მომავლის თაობა“ ფარგლებში. პროგრამას ახორციელებს „პროექტი ჰარმონია“ -PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა-საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

მცირე გრანტის ბიუჯეტით გათვალისწინებული 450$ თანხით შეძენილ იქნა ქართული მხატვრული საბავშვო ლიტერატურა და საოფისე ავეჯი: წიგნის კარადები, თაროები, მაგიდა და სკამები, რომელიც განთავსდება სკოლის მიერ გამოყოფილ სამკითხველო ოთახში. სკოლამ პროექტის ფარგლებში ითანამშრომლა დმანისის მუნიციპალიტეტის მერიასთან, რომელსაც მიმართა ოთახის გარემონტების თხოვნით, მერიისგან დადებითი პასუხი მიიღო და უკვე დაწყებულია სარემონტო სამუშაოები.

პროექტის ფარგლებში მოსწავლეებმა ჩაატარეს კვლევა სკოლაში, რა ჟანრის ლიტერატურას კითხულობენ მოზარდები და რომელი წიგნების წაკითხვას ისურვებდნენ. მოსწავლეებმა მოიძიეს ცნობილი ადამიანების გამონათქვამები განათლებაზე და პოსტერების სახით გამოფინეს სკოლაში. „დიდები უკითხავენ პატარებს“ აქციის ფარგლებში მე-9 კლასელმა მოსწავლეებმა უმცროსკლასელებს წაუკითხეს ქართულ ენაზე საბავშვო მოთხრობები და ქართული ზღაპრები. მოსწავლეებმა პროექტის მენეჯერის ნათია ნადარეიშვილის და ნატა კვარაცხელიას ხელმძღვანელობით მოამზადეს და წარმოადგინეს პრეზენტაციები ქართველ და აზერბაიჯანელ მწერლებზე ილია ჭავჭავაძესა და ფათალი ახუნდოვზე. სკოლაში მოეწყო კონკურსი „ვინ უკეთ კითხულობს ქართულად“, გამოვლინდა გამარჯვებულები, რომელთაც პრიზად გადასცეს გრანტით შეძენილი ქართული წიგნები. მოსწავლეებმა მოამზადეს მცირე ინსცენირება ნოდარ დუმბაძის „კუკარაჩადან“, რომელიც წარმოადგინეს პროექტის შემაჯამებელ ღონისძიებაზე.
შემაჯამებელ ღონისძიებას დაესწრნენ მოწვეული სტუმრები: „პროექტი ჰარმონია“ -PH International-ის პროგრამის „მომავლის თაობა“ მცირე გრანტების კოორდინატორი ინგა ქიბროწაშვილი, საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე, დმანისის მუნიციპალიტეტის მერის მოადგილე არიფ სულეიმანოვი, პროგრამა „ასწავლე საქართველოსთვის“ მიზნობრივი პროგრამის ხელმძღვანელი ლალი წიკლაური და კოორდინატორი თამთა ნაცვალაძე, დმანისის მუნიციპალიტეტის მერიისა და დმანისის საგანმანათლებლო რესურსცენტრის თანამშრომლები, სიქა-საგანმანათლებლო ინიცატივების ქართული ასოციაციის წარმომადგენლები, სკოლის დირექცია, მასწავლებლები და მშობლები. საქართველოს ეროვნული ბიბლიოთეკისა პროგრამის „ასწავლე საქართველოსთვის“ სახელით სკოლას გადაეცა ქართული წიგნები. პროგრამა „მომავლის თაობამ“ თანამშრომლობისა და მხარდაჭერისათვის მადლობის სიგელი გადასცა ბატონ გიორგი კეკელიძეს და დმანისის მერიას. მოწვეულ სტუმრებს გადაეცათ პროგრამის „მომავლის თაობა“ სამახსოვრო საჩუქრები.

პროგრამა „მომავლის თაობა“ 2020 წლის ბოლომდე გააგრძელებს მუშაობას საქართველოს 230 სკოლაში. პროგრამის ფარგლებში კიდევ მრავალი სამოქალაქო აქტივობებია დაგეგმილი, რაც დაეხმარება ახალგაზრდებს აიმაღლონ სამოქალაქო ცნობიერება და გამოიმუშაონ აქტიური მოქალაქის უნარ-ჩვევები.

მიმდინარე წლის, 5 აპრილს, დმანისის მუნიციპალიტეტის მერიის საკონფერენციო დარბაზში, მიმდინარე პროექტების განხილვის მიზნით, კონტრაქტორ ორგანიზაციებთან სამუშაო შეხვედრა გაიმართა.

შეხვედრას დმანისის მუნიციპალიტეტის მერის პირველი მოადგილე ბადრი სუბარი, სივრცითი მოწყობისა და ინფრასტრუქტურის სამსახურის ხელმძღვანელი და თანამშრომლები, ასევე კონტრაქტორი ორგანიზაციის წარმომადგენლები ესწრებოდნენ.

შეხვედრაზე კონტრაქტორ ორგანიზაციებთან განიხილეს (მშენებელთან, პროექტანტთან და ზედამხედველთან) პროექტებში გამოვლენილი პრობლემები და მათი გადაჭრის გზები.

მერის გადაწყვეტილებით, მუნიციპალიტეტში მიმდინარე ინფრასტრუქტურული პროექტების განსახილველად, აღნიშნული შეხვედრა ყოველ პარასკევს, 12:00-საათზე გაიმართება.

დმანისის მუნიციპალიტეტის მერი, გიორგი ტატუაშვილი, მერიის თანამშრომლებთან ერთად სოფლებში: პატარა დმანისსა და ბოსლებში იმყოფებოდა, სადაც მიმდინარე ინფრასტრუქტურულ პროექტებს გაეცნო.ამ ეტაპზე, სოფელ პატარა დმანისში მიმდინარეობს ფონიჭალა-მარნეული-გუგუთის საერთაშორისო დანიშნულების გზიდან ექსპედიციის ბაზამდე მისასვლელი გზის რეაბილიტაცია.
პროექტის ფარგლებში სანიაღვრე არხებისა და რკინა ბეტონის კედლის მოწყობის სამუშაოებიც განხორციელდება, ხოლო სოფელ ბოსლებში სოფლის შიდა გზისა და სანიაღვრე არხებს ჩაუტარდება რეაბილიტაცია. სამუშაოებს ახორციელებს შპს "ტენომშენ ჯგუფი". სოფელ პატარა დმანისში პროექტის ღირებულება შეაქდგენს 449 000 ლარს, ხოლო სოფელ ბოსლებში 180 000 ლარს.

დღეს, დმანისის მუნიციპალიტეტის მერი გიორგი ტატუაშვილი, მერიის თანამშრომლებთან და საკრებლოს დეპუტატებთან ერთად სოფლების: დიდი და პატარა დმანისის, ვარდისუბნის, ბოსლების და აზ.კაკლიანის მოსახლეობას შეხვდა.
შეხვედრის მიზანს წარმოადგენდა სოფლის მოსახლეობის პრობლემებისა და საჭიროებების გამოვლენა და კომპეტენციის ფარგლებში დახმარების გაწევა. გიორგი ტატუაშვილმა შეხვედრაზე დამსწრე საზოგადოებას გააცნო მუნიციპალიტეტში მიმდინარე სოციალური პროგრამები, სოფლის მხარდაჭერის პროგრამის ფარგლებში განსახორციელებელი პროექტები და მუნიციპალიტეტის მიერ დაგეგმილი სხვა ინფრასტრუქტურული პროექტები. აღსანიშნავია, რომ შეხვდრას ესწრებოდნენ მერის წარმომადგენლები ადმინისტრაციულ ერთეულებში. მოსახლეობასთან შეხვედრები გრძელდება და მოიცავს ყველა ადმინისტრაციულ ერთეულს.

აზერბაიჯანის რესპუბლიკის დიასპორასთან მუშაობის სახელწიფო კომიტეტის თავმჯდომარის ვიზიტი დმანისში.

მიმდინარე წლის 3 აპრილს, დმანისის მუნიციპალიტეტში სამუშაო ვიზიტით, აზრებაიჯანის რესპუბლიკის დიასპორასთან მუშაობის სახელწიფო კომიტეტის თავმჯდომარე, ბატონი ფუად მურადოვი ეწვია.

შეხვედრა ააიპ "დმანისის საგანმანათლებლო ცენტრის" ფოიეში გაიმართა.

შეხვედრას ესწრებოდნენ, დმანისის მუნიციპალიტეტის მაჟორიტარი დეპუტატი, კახაბერ ოქრიაშვილი, ქვემო ქართლში სახელმწიფო რწმუნებულის მოადგილე, კახა კობერიძე, დმანისის მუნიციპალიტეტის მერი, გიორგი ტატუაშვილი, მერის მოადგილე არიფ სულეიმანოვი,  "სოკარ ჯორჯია გაზი"-ს პრეზიდენტი საქართველოში, აზერბაიჯანის ელჩი და საქართველოს საგარეო საქმეთა სამინისტროს წარმომადგენელი.

აღსანიშნავია, რომ შეხვედრა დმანისის მუნიციპალიტეტში მცხოვრებ, ეთიკურად აზერბაიჯანულ მოსახლეობასთან გაიმართა.

დმანისის მუნიციპალიტეტის მერიის ჯანმრთელობისა და სოციალური დაცვის სამსახური,  ადმინისტრაციულ ერთეულებში მერის წარმომადგენელთა კოორდინაციის განყოფილების უფროსი  თემური ზურაბიშვილი,  მერის წარმომადგენელი სარკინეთის ადმინისტრაციულ ერთეულში მურაზ მურჯიკნელი შეხვდნენ  სოფელ ველისპირის, განახლებისა და სარკინეთის მოსახლეობას.

შეხვედრის მიზანს წარმოადგენდა მოსახლეობისთვის ინფორმაციის მიწოდება, როგორც ადგილობრივი ასევე სახელმწიფო სოციალური პროგრამების შესახებ. 

დამსწრე საზოგადოებას  ესაუბრნენ ბავშვებისა და ბავშვიანი ოჯახების სოციალური მგომარეობის გაუმჯობესების მიზნით, საქართველოს პრემიერ-მინისტრის ინიციატივით ბავშვის 10 ლარიანი დანამატის გახუთმაგების შესახებ. ოჯახებს  რომელთა სარეიტინგო ქულაც 1000001 - ზე ნაკლებია 2019 წლის იანვრის თვიდან, 16 წლამდე ასაკის წევრზე მიიღებენ 50 ლარიან შემწეობას.

თვასლაჩინო ადგილზე გამოიკრა ქრონიკული დაავადებების სამკურნალო მედიკამენტებით უზრუნველყოფის პროგრამა, ასევე მერიაში მოქმედი სოციალური პროგრამები.

დღეს მსოფლიოში აუტიზმის შესახებ ცნობადობის ამაღლების საერთაშორისო დღე აღინიშნება. 2007 წლის 18 დეკემბერს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა.

აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.

აუტიზმი მიეკუთვნება ნეიროგანვითარებითი დაავადებების ჯგუფს და ხასიათდება სოციალური ურთიერთობების, კომუნიკაციისა და ქცევის სირთულეებით. ის თანაბრადაა გავრცელებული ყველა რასის, ეროვნების, რელიგიური მრწამსისა და სოციალურ-ეკონომიკური სტატუსის მქონე ადამიანებში.

მიმდინარე წლის 31 მარტს, ქალაქ დმანისში მდებარე საგანგებო სიტუაციების კოორდინაციისა და გადაუდებელი დახმარების ცენტრის დმანისის რაიონულ სამსახურში ,,სხივური მედიცინის ცენტრი" და ,,მარდალეიშვილის სამედიცინო ცენტრი"ს წარმომადგენლებმა  უფასო სამედიცინო აქცია ჩაატარეს.

აქციის ფარგლებში გაიმართა „სხივური მედიცინის ცენტრის“ წამყვანი სპეციალისტების შეხვედრა პირველადი ჯანდაცვის სამედიცინო პერსონალთან, ამბულატორიების ხელმძღვანელებთან- ონკოლოგიური პაციენტების მკურნალობაში არსებულ პრობლემატურ საკითხებთან დაკავშირებით ურთიერთსასრგაბლო ინფორმაციის გაცვლის, გამოცდილების გაზიარების და შესაძლებლობების გაერთიანების ონკოლოგიურ ავადმყოფთა სამედიცინო მომსახურების გაუმჯობესების მიზნით.

სამედიცინო გასინჯვის ფარგლებში მოსახლეობას მიეცა  საშუალება მიეღოთ მაღალკვალიფიციური სპეციალისტების კონსულტაციები. (გინეკოლოგი, მამოლოგი, თავ-კისრის ქირურგი, ენდოკრინოლოგი, გასტროენტეროლოგი, უროლოგი), ასევე ჩატარდა ექოსკოპიური და ენდოსკოპიური კვლევები.

საერთო ჯამში, გამოკვლევა ჩაუტარდა 200-მდე ბენეფიციარს.

მიმდინარე წლის 27 მარტს, დმანისის მუნიციპალიტეტის მერიის საკონფერენციო დარბაზში, არასამთავრობო ორგანიზაცია „ქალები სამართლიანობისთვის“ წარმოამდგენლებმა სამუშაო შეხვედრა გამართეს. შეხვედრის მიზანს წარმოადგენდა სოფლად მცხოვრები ქალების პრობლემების გაცნობა.აღსანიშნავია, რომ „ქალები სამართლიანოსთვის“ 2014 წლიდან გერმანული ფრიდრიხ ებერტის ფონდის მხარდაჭერით ახორციელებს პროექტს, რომელიც სოფლად მცხოვრები ქალების განვითარებაზე მუშაობს. შეხვედრას ესწრებოდნენ დმანისის მუნიციპალიტეტის საკრებულოს გენდერულო საბჭოს წარმომადგენლები, დმანისის მუნიციპალიტეტის მერიის ჯანმრთელობისა და სოციალური დაცვის სამსახურის ხელმძღვანელი, ასევე დმანისელი ქალები.

დღეს, ააიპ "დმანისის კულტურისა და ხელოვნების ცენტრის" დარბაზში, გურგენ გურჩიანი - ფოლკლორული ანსამბლი შგარიდა“- დოკუმენტური ფილმის ჩვენება გაიმართა. (ფილმის რეჟისორი-ცისკარა ფაჩულია). ფილმის ჩვენებას ესწრებოდნენ ფოლკლორის ცენტრის წარმომადგენლები, ფოლკლორის კორიფეები და საზოგადო მოღვაწეები, დმანისის მუნიციპალიტეტის მერიისა და საკრებულოს თანამშრომლები და დაინტერესებული დმანისელი საზოგადოება. პრეზენტაციას უძღვებოდა ერეკლე საღლიანი. პრეზენტაციას გააშუქებს პირველი სამაუწყებლო საზოგადოებრივი არხი.