სიახლეების გამოწერა

დმანისის მუნიციპალიტეტში ინფრასტრუქტურული სამუშაოები აქტიურ რეჟიმში მიმდინარეობს.
ამ ეტაპზე ხერგიანის ქუჩაზე გარე განათების სისტემის მოწყობა დასრულებულია.
გარე განათების სისტემა აღჭურვილია უახლესი სანათებით, რომელიც მუშაობს მზის ენერგიაზე, არ საჭიროებს არანაირ ელექტრო სადენებს, დღის განმავლობაში მზის ენერგიას გარდაქმნის ელექტრო ენერგიად, ავტომატურ რეჟიმში რთავს სინათლეს ღამით, გამოირჩევა ხანგრძლივი მომსახურებით და დაბალი ენერგო მოხმარებით.
გარე განათების სისტემის მოწყობის პროცესი ეტაპობრივად გაგარძელდება და უახლოეს მომავალში ყველა დასახლებულ პუნქტს მოიცავს.

13 თებერვალს, დმანისის მუნიციპალიტეტის მერიის საკონფერენციო დარბაზში, მუნიციპალიტეტის მერმა, გიორგი ტატუაშვილმა ადმინისტრაციულ ერთეულებში მერის წარმომადგენლებთან, სამუშაო შეხვედრა გამართა.

თათბირზე ისაუბრეს სოფლებში სხვადასხვა მიმართულებით არსებულ მდგომარეობაზე და განიხილეს ის პრობლემური საკითხები, რომლებიც დროულ რეაგირებას საჭიროებს.

მერმა წარმომადგენლებს ადგილობრივების საჭიროებების შესწავლა, მოსახლეობის მიმართვებზე სწრაფი რეაგირება და მათთვის მერიაში მოქმედ პროგრამებზე დეტალური ინფორმაციის მიწოდება დაავალა.

შეხვედრაზე ის ინფრასტრუქტურული პროექტებიც განიხილეს, რომლებიც მუნიციპალიტეტის მასშტაბით ხორციელდება ან იგეგმება.

დმანისის მუნიციპალიტეტის სამ სოფელში გარე განათების სისტემა მოეწყო.

დმანისის მუნიციპალიტეტის სოფლებში: განთიადი იაღუფლო და  პანტიანი  გარე განათების ახალი ქსელი,  ულტრათანამედროვე სანათით მოეწყო. (განთიადი 50, იაღუფლო 33, პანტიანი 39 სანთი)

სამუშაოების წარმოება მიმდინარეობდა ტენდერით გათვალისწინებული და დამკვეთთან შეთანხმებული გეგმა-გრაფიკის შესაბამისად. აღნიშნული სამუშაოების განსახორციელებლად ობიექტზე მობილიზებული იქნა ორგანიზაციის საკუთრებაში მყოფი სხვადასხვა ტიპის ტექნიკა, ხოლო ადგილზე დაქირავებული იქნა მუშახელი სამუშაოების ჩასატარებლად, რომლებსაც ობიექტზე კურირებდნენ და მითითებებს აძლევდნენ კვალიფიციური სპეციალისტები.

პროექტის ჯამური ღირებულება შეადგენს  84476ლარს.

სამუშაოები  განახორციელა შპს "ელექტრონი" . აღსანიშვანია, რომ პროცესი ეტაპობრივად გაგარძელდება და უახლოეს მომავალში ყველა დასახლებულ პუნქტს მოიცავს.

მიმდინარე წლის 12 თებერვალს, დმანისის მუნიციპალიტეტის მერიის საკონფერენციო დარბაზში ააიპ " დამოუკიდებელ ბავშვთა და სტუდენტთა გაერთიანებისა" და "სტუდენტური პარლამენტი"ის წარმომადგენლება, პროექტ "განავითარე შენი რეგიონი- განავითარე შენი ქალაქი" ფარგლებში შეხვედრა გამართეს.

შეხვედრას დმანისის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის თანამშრომლები და ხელმძღვანელი ეკატერინე ოქრიაშვილი, დმანისის მუნიციპალიტეტის მერის მოადგილე არიფ სულეიმანოვი და დმანისის აქტიური ახალგაზრდები ესწრებოდნენ. აღნიშნული პროექტი მიზნად ისახავს, ახალგაზრების გააქტიურებასა და მაქსიმალურ ჩართულობას.

შეხვედრაზე ისაუბრეს ორგანიზაციის სამომავლო გეგმებსა და პროექტებზე, რომლთა განხორციელება 2019 წელს არის დაგეგმილი.

10.02.2019 თბილისში კონტაქტურ კარატეში (კიოკუშინ) საქართველოს ეროვნული ჩემპიონატი ჩატარდა. ჩემპიონატში დმანისის სპორტ სკოლამ მონაწილეობა მიიღო 6 სპორტსმენით, რომლებმაც წარმატებით იასპარეზეს

ფახრატ მამედოვი გახდა საქართველოს ჩემპიონი, დანარჩენებმა კი მესამე ადგილი მოიპოვეს.

გილოცავთ!

10.02.2019, Tbilisidə kontakt karate( kyokuşin) üzrə Gürcüstan çempionatı keçirildi. 6 nəfər idmançı ilə yarışa qatılan Dmanisi idman məktəbinin karate bölməsi yüksək nəticələr göstərdi . Fərhad Məmmədov Gürcüstan çempionu adına, qalan idmançılar fəxri kürsünün 3-cü pilləsinə layiq görüldülər. TƏBRİKLƏR !!! Məşqçi Fərid Suleimanova uğurlar

მიმდინარე წლის 9-10 თებერვალს მარნეულის მუნიციპალიტეტში, საქართველოს ჩემპიონატი ჭაბუკთა შორის ძიუდოში გაიმართა.

ჩემპიონატში ასპარეზობდა დმანისის "ომარ მუმლაძის სახელობის სპორტული სკოლის " აღსაზრდელი სპარტაკ გურჩიანი, რომელმაც 55 კგ წონით კატეგორიაში დაიკავა მეორე ადგილი და საქართველოს ეროვნული ნაკრების წევრი გახდა.

აიპ"დმანისის საბიბლიოთეკო სამსახურში" მოეწყო ორი წიგნის პრეზენტაცია:

1"ქვემო ქართლის გულდებულები"-წიგნი,რომელშიც შესულია ქვემო ქართლის მწერლებისა და პოეტების ნაწარმოებები და 

2"გამა" - მხატვრების კატალოგი,რომელიც ქვემო ქართლის მხატვრების შემოქმედებაზე გვესაუბრება.

პირველ წიგნში თქვენ შეგიძლიათ იხილოთ სოფ. მაშავერას მკვიდრის მაყვალა სიმონიშვილის, სოფ.დიდ დმანისში მცხოვრებ ნატო მუსხელიშვილისა და ქ.დმანისში მცხოვრებ ლაშა ჩხვიმიანის ლექსები( ზ. კვერენჩხილაძის სახელობის დმანისის სახელმწიფო დრამატული თეატრის სამხატვრო ხელმძღვანელი).

მეორე წიგნში გაეცნობით ააიპ'დმანისის კულტურისა და ხელოვნების ცენტრის" ხატვის წრის პედაგოგის ავთანდილ ნარსავიძის შემოქმედებას

პრეზენტაციას არქეოლოგიური საექსპოზიციო დარბაზის ხელმძღვანელი ბატონი ჯუმბერ კოპალიანი, ფილოლოგი ნანა მიქიანი, მერიის განათლების,კულტურისა სპორტისა და ახალგაზრდობის სამსახურის ხელმძღვანელი და თანამშრომლები, ააიპ"დმანისის სკოლამდელი აღზრდის სამსახურის " ხელმძღვანელი, N1 საჯარო სკოლის დირექტორი, პედაგოგები და აქტიური მკითხველი ბავშვები დაესწრნენ .ღონისძიებაში ჩართული იყვნენ საბიბლიოთეკო სამსახურის თანამშრომლები

ღონისძიების სტუმარმა, მაყვალა სიმონიშვილმა, საკუთარი ლექსები წაუკითხა დამსწრე საზოგადოებას და საკუთარი საბავშვო ლექსების ახლადგამოცემული კრებული გადასცა საჩუქრად. მან აღნიშნული წიგნები ყველა სკოლამდელი აღზრდის დაწესებულებას უსახსოვრა. 

საბიბლიოთეკო სამსახურმა სიმბოლური საჩუქრები გადასცა ქალბატონ მაყვალა სიმონიშვილსა და ბატონ ავთანდილ ნარსავიძეს.

საქართველოს ეროვნული ინტელექტ-ჩემპიონატი გამორჩეული ახალგაზრდების მონაწილეობით დმანისის საგანმანათლებლო ცენტრში ჩატარდა, სადაც „დმანისის ეტალონი მოსწავლე“ გამოვლინდა.

ღონისძიებას დმანისის მერის მოადგილე არიფ სულეიმანოვი, მერიის განათლების, კულტურის, სპორტისა და ახალგაზრდულ საქმეთა სამსახურის წარმომადგენლები ეკატერინე ოქრიაშვილი და სოფიკო ავალიანი,რესურსცენტრის უფროსი ბელა ტატუაშვილი, კომპანია RMG-ს საზოგადოებასთან ურთიერთობის სამსახურის წარმომადგენელი გვანცა ბერძენაძე, სკოლის დირექტორები, მასწავლებლები, მოსწავლეები და მათი მშობლები ესწრებოდნენ.

ღონისძიების დასასრულს, საუკეთესო შედეგების მქონე 9 მონაწილეს კომპანია RMG- მ სიმბოლური საჩუქრები, პირველ სამ ადგილზე გასულ მოსწავლეს კი სპეციალური პრიზები გადასცა.დღევანდელ შეჯიბრში გამარჯვებულმა „დმანისის ეტალონი მოსწავლის“ ტიტული და საქართველოს ეროვნული ინტელექტ-ჩემპიონატის გრანდიოზულ ფინალში მონაწილეობის უფლება მოიპოვა

ამ წუთებში საქართველოს ეროვნული ინტელექტ-ჩემპიონატი გამორჩეული ახალგაზრდების მონაწილეობით დმანისის საგანმანათლებლო ცენტრში მიმდინარეობს და მას პროექტის ავტორი გოჩა ტყეშელაშვილი უძღვება. ღონისძიებას დმანისის მერის მოადგილე არიფ სულეიმანოვი, მერიის განათლების, კულტურის, სპორტისა და ახალგაზრდულ საქმეთა სამსახურის წარმომადგენლები ეკატერინე ოქრიაშვილი და სოფიკო ავალიანი, რესურსცენტრის უფროსი ბელა ტატუაშვილი, კომპანია RMG-ს საზოგადოებასთან ურთიერთობის სამსახურის წარმომადგენელი გვანცა ბერძენაძე, სკოლის დირექტორები, მასწავლებლები, მოსწავლეები და მათი მშობლები ესწრებიან.ინტელექტ-ჩემპიონატის დაწყებამდე გოჩა ტყეშელაშვილმა „2017-2018 სასწავლო წლის დმანისის  ეტალონ მოსწავლეს“, ტარიელ პაკელიანს გამარჯვება კიდევ ერთხელ მიულოცა და სკოლის ღირსეული წარმოჩენისთვის ოქროს ფონდის წევრობის დამადასტურებელი დიპლომი გადასცა. მის მშობლიურ დმანისის N1 საჯარო სკოლას კი - დიპლომი „ეტალონი მოსწავლის“ აღზრდისთვის.ღონისძიების დასასრულს, საუკეთესო შედეგების მქონე 9 მონაწილეს კომპანია RMG სიმბოლურ საჩუქრებს, პირველ სამ ადგილზე გასულ მოსწავლეს კი სპეციალურ პრიზებს გადასცემს.შეგახსენებთ, რომ დღევანდელ შეჯიბრში გამარჯვებულს „დმანისის ეტალონი მოსწავლის“ ტიტული მიენიჭება და საქართველოს ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას.„ეტალონი“ 2018-2019 სასწავლო წელს საქართველოს ყველა ქალაქსა და მუნიციპალიტეტს ესტუმრება და „ეტალონ მოსწავლეებს“ადგილზევე გამოავლენს.

5 თებერვალს, ქვემო ქართლში სახელმწიფო რწმუნებულმა შოთა რეხვიაშვილმა, სამხარეო-საკონსულტაციო საბჭოს მორიგი სხდომა გამართა.
რეგიონისა და ადგილობრივი მუნიციპალიტეტების ხელმძღვანელმა პირებმა, დეტალურად განიხილეს რეგიონის განვითარების სტრატეგიის 2019-21 წლის სამოქმედო გეგმაში განსახორციელებელი ცვლილებები და დაგეგმილი პრიორიტეტული პროექტები. 
სხდომის მიმდინარეობისას, საბჭოს წევრებმა, ქვემო ქართლში, 2018 წელს, შესრულებული ინფრასტრუქტურული სამუშაოების შესახებაც იმსჯელეს.

დმანისის რესურსცენტრში ინოვაციური საგანმანათლებლო პორტალის, izrune.ge-ს პრეზენტაცია გაიმართა. შეხვედრას, რომელსაც თავად პროექტის ავტორი გოჩა ტყეშელაშვილი უძღვებოდა, დმანისის მერის მოადგილე არიფ სულეიმანოვი, რესურსცენტრის უფროსი ბელა ტატუაშვილი, სკოლის დირექტორები და მასწავლებლები ესწრებოდნენ.აუდიტორია izrune.ge-ს საშუალებით შვილების სასკოლო ცხოვრებაში მშობელთა აქტიურ ჩართულობასა და პორტალის მამოტივირებელ მიდგომებს მიესალმება.პროექტში უკვე ჩართული სკოლების წარმატებულმა მენეჯერებმა კოლეგებს Izrune.ge-ს შედეგები და საკუთარი გამოცდილება გაუზიარეს. მათ სასკოლო ცხოვრების გაუმჯობესებაზე ისაუბრეს და Izrune.ge-ს მეშვეობით ენის ბარიერის გადალახვის მნიშვნელობას გაუსვეს ხაზი. სახელმწიფო ენის ცოდნა და პატივისცემა კი მოქალაქეობრივი აზროვნების ჩამოყალიბების ერთ-ერთი წინაპირობაა.აღსანიშნავია, რომ დმანისის მერის მოადგილე არიფ სულეიმანოვს თანამოაზრეობისთვის „ეტალონის პირველი ელჩის“ ტიტული მიენიჭა. რესურსცენტრის უფროსი და დირექტორები Izrune.ge-ს ირგვლივ კლასების გაერთიანებასა და დამრიგებელთა როლის ზრდას მიესალმებიან. ისინი მშობლებთან და პედაგოგებთან ერთად იწყებენ ზრუნვას:1. „მეგობრული კლასის“, ანუ ისეთი კლასის ჩამოსაყალიბებლად, რომლის თითოეული მოსწავლეც Izrune.ge-ს წევრია;2. „სუპერ კლასის“, ანუ ისეთი კლასის შესაქმნელად, რომელსაც იზრუნეს ტესტებში უმაღლესი შედეგები აქვს;

დმანისის მუნიციპალიტეტის სოფელ ირგანჩაიში, გარე განათების ახალი ქსელი 60 ულტრათანამედროვე სანათით მოეწყო, რაც დმანისისთვის სიახლეა.
სამუშაოები მერიის ზედამხედველობით განახორციელა შპს ელექტრონმა 49 116 ლარით.

მიმდინარე წლის 04 თებერვალს, დმანისის მუნიციპალიტეტში სოფლის მხარდაჭერის პროგრამის ფარგლებში მოსახლეობასთან შეხვედრები დასრულდა

გამოცხადებულია ტენდერი ორმოცწყარო-მაშავერის წყალმომარაგების სისტემის რეაბილიტაციის პროექტირების, რომელიც 19 სოფელს და ქალაქ დმანისის მოსახლეობას მიაწვდის ხარისხიან წყალს 24 საათიან რეჟიმში.

საპროექტო წინადადების მიღება სრულდება მიმდინარე წლის 14 თებერვალს, რის შემდეგაც დაიწყება აქტიური სამუშაოები.

დმანისის მუნიციპალიტეტი ახალი გამოწვევების წინაშე

დმანისში დღეს გაცილებით უკეთესი მდგომარეობაა, ვიდრე წლების წინათ იყო. თანამედროვე დმანისის ახლოს არის ამავე სახელწოდების  მუზეუმ-ნაკრძალი. ის თბილისიდან 85 კილომეტრში მდებარეობს. აქ აღმოჩენილი ჰომინიდებისა და ცხოველთა ნაშთები, ასევე ქვის იარაღები დაახლოებით 1.8 მილიონი წლით თარიღდება. მუზეუმ-ნაკრძალი მოიცავს შუა საუკუნეების ქალაქის ნანგრევებს, არქეოლოგიურ ველს, შუა საუკუნეების ციხესიმაგრესა და IX-XIII საუკუნეების ეკლესიას.

 დმანისის არქეოლოგიური შესწავლა 1936 წლიდან დაიწყო და დღემდე გრძელდება. აქ აღმოჩენილია ევროპაში ყველაზე ძველი ადამიანის ნაკვალევი _ თავის ქალა, რომლის ასაკი 1,6 მილიონი წლით განისაზღვრება. დმანისი ოფიციალურად ქალაქად  1981 წელს გამოცხადდა და მას შემდეგ   ნელ-ნელა დაიწყო განვითარება.  გიორგი ტატუაშვილი დმანისის  მერად  2017 წლის 13 ნოემბერს დაინიშნა. მისი  მოსვლის შემდეგ მუნიციპალიტეტში   ბევრი რამ სასიკეთოდ შეიცვალა. 

გიორგი ტატუაშვილმა 2009 წელს დაამთავრა  ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი სამართალმცოდნის კვალიფიკაციით, აქვს  ბაკალავრის ხარისხი;  2004 წლიდან 2005 წლამდე შპს „პსპ რიხტერის“ იურიდიული სამსახურის  იურისტის თანაშემწე იყო; 2005-2006 წლებში _ შპს „პსპ რიხტერის“ იურისტი; 2007 წლიდან  2017 წლის 10 ნოემბრამდე _ შპს „პსპ ფარმას“ იურიდიული დეპარტამენტის იურისტი, ხოლო 2008 წელს დააფუძნა იურიდიული კომპანია  შპს „ელ სი ჯი“, რომლის  აღმასრულებელი დირექტორის პოზიციაზე  2017 წლის 10 ნოემბრამდე მუშაობდა;    ამავე პერიოდში  იყო შპს „პრივატ სტანდარტის“ დამფუძნებელი და მმართველი პარტნიორი; 2014 წლიდან  2017 წლის 10 ნოემბრამდე კი შპს „ნიუ ჰოსპიტალის“ იურიდიული სამსახურის  იურისტი იყო. 

ბატონი გიორგი  გაზეთ „ახალი საქრთველოს“ სტუმარია და  ახალი გამოწვევებისა და პროექტების შესახებ გვესაუბრება.

_ ბატონო გიორგი,   როგორია სოციალური ფონი მუნიციპალიტეტში და რა დახმარებებს უწევთ მოსახლეობას?

_ დმანისის მუნიციპალიტეტში, სოციალური ფონი მაინცდამაინც სახარბიელო არ არის,   დღეისთვის სოციალურად დაუცველი ოჯახების ერთიან მონაცემთა ბაზაში დარეგისტრირებულია 1203 ოჯახი, რომლებზეც მინიჭებული სარეიტინგო ქულა არ აღემატება 100 000 ერთეულს.

 მოსახლეობის ძირითად საქმიანობას შინამეურნეობა წარმოადგენს.  მერიაში მოქმედი სოციალური  პროგრამები  მიმართულია მოსახლეობის სოციალური ფონის ამაღლების, მატერიალური კეთილდღეობის გაუმჯობესებისა და ჯანმრთელობის მდგომარეობის ხელშეწყობისკენ.

მათთვის მოქმედებს შემდეგი პროგრამები:

* ,,დიალიზის საჭიროების მქონე პირების დახმარების მუნიციპალური  პროგრამა“,   აღირცხვაზე მყოფ ბენეფიციარებს პირად ანგარიშზე ადრე თუ 50 ლარი ერიცხებოდათ, ახლა   100 ლარს მიიღებენ;

* ,,ერთჯერადი ფინანსური დახმარების მუნიციპალური პროგრამა“, რომელიც ითვალისწინებს სიმსივნითა და C ჰეპატიტით დაავადებული პირების დახმარებას ერთჯერადად 200 ლარით;

* ,,სოციალურად  დაუცველი  მოსახლეობის  სამედიცინო  სტაციონარული, ამბულატორიული დახმარების    მუნიციპალური    პროგრამა“, რომელიც ვრცელდება სოციალურად დაუცველ ოჯახებზე, რომელთა სარეიტინგო ქულა არ არემატება 100 000 ერთეულს, იძულებით ადგილნაცვალ პირებზე, სიმსივნითა და  C ჰეპატიტით დაავადებულ პირებზე, ობოლ არასრულწლოვან ბავშვებზე, შეზღუდული შესაძლებლობის მქონე პირებზე;

* ,,ტრანსპორტით მომსახურების მუნიციპალური პროგრამა“, რომლის მიზანია  მოსარგებლე პირებისათვის მგზავრობის უზრუნველყოფა და ფინანსური სახსრების დაზოგვა. მოსარგებლეები არიან დმანისის მუნიციპალიტეტში რეგისტრირებული სტუდენტები, ვეტერანები, უსინათლოები, დიალიზის საჭიროების მქონე პირები;

* ,,ფენილკეტონურიით  დაავადებულ  ბავშვთა   სპეციფიკური   კვების პროდუქტებით დახმარების მუნიციპალური პროგრამა“, რომელიც ითვალისწინებს ფენილკეტონურიით დაავადებულ ბავშვთა სპეციფიკური კვების პროდუქტებით დახმარებას;

* ,,ზამთრის   სეზონის   დადგომასთან   დაკავშირებით   საწვავით   (შეშა ან ბიოსაწვავი ,,ბრიკეტით“)            უზრუნველყოფის 2019 წლის   მუნიციპალური   პროგრამა“ _ პროგრამის ამოცანაა მარტოხელა პენსიონერი  პირების საწვავით (სათბობი შეშით ან ბიოსაწვავი ,,ბრიკეტით“) უზრუნველყოფა;

* ,,მოქალაქეთა მედიკამენტებით უზრუნველყოფის პროგრამა“, რომლითაც ისარგებლებენ სოციალურად დაუცველი ოჯახები, რომელთა სარეიტინგო ქულა არ არემატება 100 000 ერთეულს, გარდა იმ პირებისა, რომლებიც აღირცხვაზე იმყოფებიან ქრონიკული დაავადებების სამკურნალო მედიკამეტებით უზრუნველყოფის პროგრამაში.

- ბოლო პერიოდში ვიზიტორებისთვის უფრო მიმზიდველი გახდა დმანისის მუნიციპალიტეტი, რამ გამოიწვია ეს დაინტერესება?

- გეთანხმებით, დმანისს ტურისტული პოტენციალი უდავოდ დიდი აქვს. ამის მიზეზი კულტურული მემკვიდრეობის  უნიკალური ძეგლები და მათი სიმრავლეა. დმანისი, თავისი უძველესი წარსულიდან  გამომდინარე, ფლობს მდიდარ და საინტერესო კულტურას. უძველესი და მრავალფეროვანი კულტურული მემკვიდრეობისა და ბუნების უნიკალური ძეგლები თავად „გვესაუბრებიან“ იმ მიღწევებსა და შესაძლებლობებზე, რომლებიც   მუნიციპალიტეტის სამოქმედო ტერიტორიაზე საუკუნეებს მოუტანიათ. ამას ემატება ისიც, რომ  დმანისის ნაქალაქარში, იქ, სადაც უძველესი ადამიანების (მათ შორის ზეზვასა და მზიას) ნაკვალევია აღმოჩენილი,  ღია ცის ქვეშ  მოწყობილია უნიკალური მუზეუმი. ასევე ვიზიტორებისთვის მიმზიდველია  მშვენიერი ბუნების ხედები. აღნიშნულიდან გამომდინარე, გასულ წელს ტურიზმის განვითარების მიმართულებით ჩატარდა გარკვეული სამუშაოები. საწყისი ეტაპისთვის შეირჩა პრიორიტეტული ტურისტული ობიექტები, საპიკნიკე სივრცეებისა და სველი წერტილებისთვის და ინფრასტრუქტურული ობიექტებისთვის მოინიშნა ადგილები, ასევე იგეგმება საინფორმაციო დაფების განთავსება. ტურისტული საინფორმაციო ცენტრის  ფართისთვის  მიმდინარეობს პროექტის შეძენა. ასევე შესაძლებელია განვითარდეს აგროტურიზმი, სატრანსპორტო, საფეხმავლო და კულინარული ტურიზმი.  ასე რომ, საინტერესო ტურს შევთავაზებთ ვიზიტორებს.

 - სპორტის განვითარებას რა ფაქტორები განსაზღვრავს?

  - სპორტი ჩვენთვის ერთ-ერთი პრიორიტეტული საკითხია. ახალგაზრდობა არის ჩვენი მომავალი და მომავალი თაობა ჯანმრთელი უნდა აღვზარდოთ. ჩვენი საქმიანობა   ახალგაზრდების კეთილდღეობის უზრუნველყოფისკენაა მიმართული, რაც პირველ რიგში ჯანსაღი ცხოვრების წესის დამკვიდრებას უკავშირდება, ამის საწინდარი კი სპორტული მოედნები და თავისუფალ დროს  ეფექტურად გამოყენებისთვის სკვერები და პარკებია. ამ მიმართულებით ქალაქსა თუ სოფლებში განხორციელდება ინფრასტრუქტურული პროექტები. წლის განმავლობაში გაიმართება შეჯიბრებები ფეხბურთი, ფრენბურთის და ჭადრაკის სახეობებში. სხვადასხვა ასაკობრივ კატეგორიების მიხედვით. ხელს შევუწყობთ  გამორჩეული  ახალგაზრდების მონაწილეობას გასვლით ღონისძიებებში. ჩვენს ხელთ არსებულ რესურსებს მაქსიმალურად გამოვიყენებთ სასკოლო სპორტული ოლიმპიადის შიდა და გარე შეჯიბრებებისთვის.

 ააიპ დმანისის ომარ მუმლაძის სახელობის სპორტულ სკოლაში ფუნქციონირებს ფეხბურთის, ჭადრაკისა და ჭიდაობის სხვადასხვა სახეობის სექციები. გასული წელი სპორტული წარმატებების თვალსაზრისით საინტერესო იყო. გვყავს წარმატებული სპორტსმენები, რომელთაც ასახელეს ჩვენი მუნიციპალიტეტი. ესენია: სლავა რეზესიძე, ბაგრატ ნინიაშვილი და ნოდარ ციხელაშვილი. ნიჭიერთა აღმოჩენასა და ხელშეწყობას ემსახურება სპორტული სკოლებისა და კლუბების სისტემა და სპეციალურ პროგრამები. იმედს ვიტოვებთ, რომ  მომავალშიც კიდევ მრავალჯერ ასახელებენ ჩვენი სპორტსმენები დმანისის რაიონს.

დმანისის მუნიციპალიტეტში აქტიურად მიმდინარეობს 16 იანვარს მომხდარი სტიქიის შედეგად დაზიანებული სახურავის ნაცვლად ახალი სახურავის მოწყობის სამუშაოები.

დმანისის მუნიციპალიტეტს აზერბაიჯანის რესპუბლიკის, ქალაქ განჯის დელეგაცია სკოლის მოსწავლეების, მერიისა და განათლების განყოფილების წარმომადგენლების შემადგენლობით ესტუმრა.

ტურის ფარგლებში დმანისში კულინარიული მასტერკლასი ჩატარდა. მასტერკლასის დაწყებამდე დმანისის ტურისტული პოტენციალის შესახებ პრეზენტაცია გაიმართა, რომლის დროსაც განსაკუთრებული აქცენტი დმანისის მუზეუმ- ნაკრძალის შესახებ გაკეთდა.

დღეს, დმანისის მუნიციპალიტეტის დასახლებებში, საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში, დასაფინანსებელი პროექტების შერჩევის მიზნით, სოფლების: გომარეთის, კაკლიანის, მამულოსა და ქცის მოსახლეობასთან შეხვედრები გაიმართა.

მოსახლეობის მიერ სოფელ გომარეთში ინიცირებული პროექტია არსებული ხიდის რეაბილიტაცია და სანიაღვრე არხების გაწმენდა, გარე განათების სისტემის მოწყობა ხუთ წერტილზე. სოფელი პატარა გომარეთის წყაროს მოპირკეთება.

სოფელ მამულოში არსებული წყაროს წყლის ხაზის რეაბილიტაცია, სანიაღვრე მილის მოწყობა და სატავე ნაგებობის რეაბილიტაცია, ასევე საზოგადოებრივი საპირფარეშოს მოწყობა.

დღეს, დმანისის მუნიციპალიტეტის მერმა - გიორგი ტატუაშვილმა ქართული ფეხბურთის განვითარების ფონდის ფინანსური მხარდაჭერით, ომარ მუმლაძის სახელობის სპორტული სკოლის ფეხბურთის წრის აღსაზრდელებს სხვადასხვა სახის სპორტული ინვენტარი გადასცა. აღსანიშნავია, რომ ქართული ფეხბურთის განვითარების ფონდმა ომარ მუმლაძის სახელობის სპორტულ სკოლას გადასცა 4000 ლარი, რის შემდეგაც მოხდა საჭირო სპორტული ინვენტარის შეძენა.  დმანისის მუნიციპალიტეტის მერი ქართული ფეხბურთის განვითარების ფონდის მადლობას უხდის ფინანსური მხარდაჭერისთვის.

31 იანვარს, დმანისის მუნიციპალიტეტის დასახლებებში, საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში, დასაფინანსებელი პროექტების შერჩევის მიზნით, სოფელ ირგანჩაიში მოსახლეობასთან კონსულტაცია გაიმართა.

მოსახლეობის მიერ ინიცირებულია სამი პროექტი,  გარე განთების მოწყობა, ერთ-ერთ უბანზე სასმელი წყლის ქსელის მოწყობა, (ქსელის მოწყობის შემდგომ წყალმომარაგებით უზრუნველყოფილი იქნება 30 ოჯახი) სოფლის ტერიტორიაზე გადასასვლელი ხიდების მოწყობა. პრიორიტეტს წარმოადგეს გარე განათების მოწყობა. 

პროგრამის ფარგლებში დასაფინანსებელი პროექტები განსაზღვრულია და მათ შორისაა - სასმელი წყლის და სარწყავი სისტემების, სანიაღვრე არხების მოწესრიგება; ნაპირსამაგრი სამუშაოები; გზების და ხიდების მოწესრიგება; გარე განათების, სკოლების მიმდებარე ტერიტორიის, კულტურის ობიექტების, სპორტულ ინფრასტრუქტურის, მოედნებსა და სკვერების მოწყობა და სხვა.

აღსანიშნავია, რომ პროგრამისთვის პროექტები შეირჩევა უშუალოდ მოსახლეობის გადაწყვეტილებით დასახლებებში გამართულ საერთო კრებების სხდომებზე