სიახლეების გამოწერა

1896 წელს ათენში პირველი თანამედროვე ოლიმპიური თამაშები გაიხსნა. სწორედ ამ ღონისძიების პატივსაცემად, 2013 წლის 23 აგვისტოს გაეროს გენერალურ ასამბლეაზე 6 აპრილი სპორტის საერთაშორისო დღედ გამოცხადდა, რომლის ინიციატორები ოლიმპიური კომიტეტის მაღალჩინოსნები,გამორჩეული სპორტსმენები და კეთლი ნების ელჩები გახლდნენ.

ამ დღეს საქართველო მსოფლიოსთან ერთად „თეთრი ბარათის“ კამპანიით შეხვდა. 

სპორტის საერთაშორისო დღეს, სახელწოდებით - „საერთაშორისო სპორტის დღე მშვიდობისა და განვითარებისათვის“ დმანისის მუნიციპალიტეტი შეუერთდა სხვადასხვა აქტივობებით: 

ჩატარდა მუნიციპალიტეტის მერიის კულტურის, განთლების, სპორტისა და ახალგაზრდობის სამსახურის აწ გარდაცვლილი თანამშრომლის შუქრი ჩხეტიანის სახელობის ტურნირი ჭადრაკში. მონაწილეობდა სხვადასხვა ასაკის 14 ჭადრაკის მოყვარული დმანისელი. პრიზიორებს საჩუქრები, დმანისის მუნიციპალიტეტის მერის მოადგილემ, არიფ სულეიმანოვმა გადასცა.

ღონისძიების ფარგლებში, ააიპ “დმანისის ომარ მუმლაძის სახელობის სპორტული სკოლის“ ძიუდოს წრის პედაგოგებმა, იოსებ გირგვლიანმა, ოლეგ გოშუანმა და გიორგი რეზესიძემ თავიანთ აღსაზრდელებთან ჩაატარეს საჩვენებელი წვრთნები.

საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი აცხადებს ტენდერს: 

• ადგილობრივი მნიშვნელობის გომარეთი-ჭოჭიანის საავტომობილო გზის 7 კმ-იანი მონაკვეთის რეაბილიტაცია
• წინადადებების მიღება იწყება:26.04.2019 00:00
• წინადადებების მიღება მთავდება:01.05.2019 15:30
• შესყიდვის სავარაუდო ღირებულება:6`629`725.00 ლარი
• განცხადების ნომერი:NAT190006383
• შესყიდვის ბმული:http://tenders.procurement.gov.ge/public/?go=300084&lang=ge

5 აპრილს დმანისის მუნციპალიტეტის სოფელ ირგანჩაის საჯარო სკოლაში მოეწყო მცირე გრანტის პროექტის „ჩემი საყვარელი სივრცე“ შემაჯამებელი ღონისძიება, რომელზეც სკოლის აზერბაიჯანული სექტორის მე-9 კლასის მოსწავლეებმა დამსწრე საზოგადოებას წარუდგინეს საგრანტო პროექტის ფარგლებში განხორციელებული აქტივობები. პროექტის მიზანი იყო სკოლის გარემოს გაუმჯობესება, სადაც მოსწავლეებს გაუჩნდებათ სურვილი წაიკითხონ მხატვრული ლიტერატურა, გაიმართება დისკუსიები წაკითხულისა და ნანახის შესახებ, რაც ხელს შეუწყობს კითხვის პოპულარიზაციას, გააღვივებს წიგნის სიყვარულს.

მცირე გრანტის პროექტი „ჩემი საყვარელი სივრცე“ განხორციელდა სამოქალაქო განათლების პროგრამის „მომავლის თაობა“ ფარგლებში. პროგრამას ახორციელებს „პროექტი ჰარმონია“ -PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა-საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

მცირე გრანტის ბიუჯეტით გათვალისწინებული 450$ თანხით შეძენილ იქნა ქართული მხატვრული საბავშვო ლიტერატურა და საოფისე ავეჯი: წიგნის კარადები, თაროები, მაგიდა და სკამები, რომელიც განთავსდება სკოლის მიერ გამოყოფილ სამკითხველო ოთახში. სკოლამ პროექტის ფარგლებში ითანამშრომლა დმანისის მუნიციპალიტეტის მერიასთან, რომელსაც მიმართა ოთახის გარემონტების თხოვნით, მერიისგან დადებითი პასუხი მიიღო და უკვე დაწყებულია სარემონტო სამუშაოები.

პროექტის ფარგლებში მოსწავლეებმა ჩაატარეს კვლევა სკოლაში, რა ჟანრის ლიტერატურას კითხულობენ მოზარდები და რომელი წიგნების წაკითხვას ისურვებდნენ. მოსწავლეებმა მოიძიეს ცნობილი ადამიანების გამონათქვამები განათლებაზე და პოსტერების სახით გამოფინეს სკოლაში. „დიდები უკითხავენ პატარებს“ აქციის ფარგლებში მე-9 კლასელმა მოსწავლეებმა უმცროსკლასელებს წაუკითხეს ქართულ ენაზე საბავშვო მოთხრობები და ქართული ზღაპრები. მოსწავლეებმა პროექტის მენეჯერის ნათია ნადარეიშვილის და ნატა კვარაცხელიას ხელმძღვანელობით მოამზადეს და წარმოადგინეს პრეზენტაციები ქართველ და აზერბაიჯანელ მწერლებზე ილია ჭავჭავაძესა და ფათალი ახუნდოვზე. სკოლაში მოეწყო კონკურსი „ვინ უკეთ კითხულობს ქართულად“, გამოვლინდა გამარჯვებულები, რომელთაც პრიზად გადასცეს გრანტით შეძენილი ქართული წიგნები. მოსწავლეებმა მოამზადეს მცირე ინსცენირება ნოდარ დუმბაძის „კუკარაჩადან“, რომელიც წარმოადგინეს პროექტის შემაჯამებელ ღონისძიებაზე.
შემაჯამებელ ღონისძიებას დაესწრნენ მოწვეული სტუმრები: „პროექტი ჰარმონია“ -PH International-ის პროგრამის „მომავლის თაობა“ მცირე გრანტების კოორდინატორი ინგა ქიბროწაშვილი, საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე, დმანისის მუნიციპალიტეტის მერის მოადგილე არიფ სულეიმანოვი, პროგრამა „ასწავლე საქართველოსთვის“ მიზნობრივი პროგრამის ხელმძღვანელი ლალი წიკლაური და კოორდინატორი თამთა ნაცვალაძე, დმანისის მუნიციპალიტეტის მერიისა და დმანისის საგანმანათლებლო რესურსცენტრის თანამშრომლები, სიქა-საგანმანათლებლო ინიცატივების ქართული ასოციაციის წარმომადგენლები, სკოლის დირექცია, მასწავლებლები და მშობლები. საქართველოს ეროვნული ბიბლიოთეკისა პროგრამის „ასწავლე საქართველოსთვის“ სახელით სკოლას გადაეცა ქართული წიგნები. პროგრამა „მომავლის თაობამ“ თანამშრომლობისა და მხარდაჭერისათვის მადლობის სიგელი გადასცა ბატონ გიორგი კეკელიძეს და დმანისის მერიას. მოწვეულ სტუმრებს გადაეცათ პროგრამის „მომავლის თაობა“ სამახსოვრო საჩუქრები.

პროგრამა „მომავლის თაობა“ 2020 წლის ბოლომდე გააგრძელებს მუშაობას საქართველოს 230 სკოლაში. პროგრამის ფარგლებში კიდევ მრავალი სამოქალაქო აქტივობებია დაგეგმილი, რაც დაეხმარება ახალგაზრდებს აიმაღლონ სამოქალაქო ცნობიერება და გამოიმუშაონ აქტიური მოქალაქის უნარ-ჩვევები.

მიმდინარე წლის, 5 აპრილს, დმანისის მუნიციპალიტეტის მერიის საკონფერენციო დარბაზში, მიმდინარე პროექტების განხილვის მიზნით, კონტრაქტორ ორგანიზაციებთან სამუშაო შეხვედრა გაიმართა.

შეხვედრას დმანისის მუნიციპალიტეტის მერის პირველი მოადგილე ბადრი სუბარი, სივრცითი მოწყობისა და ინფრასტრუქტურის სამსახურის ხელმძღვანელი და თანამშრომლები, ასევე კონტრაქტორი ორგანიზაციის წარმომადგენლები ესწრებოდნენ.

შეხვედრაზე კონტრაქტორ ორგანიზაციებთან განიხილეს (მშენებელთან, პროექტანტთან და ზედამხედველთან) პროექტებში გამოვლენილი პრობლემები და მათი გადაჭრის გზები.

მერის გადაწყვეტილებით, მუნიციპალიტეტში მიმდინარე ინფრასტრუქტურული პროექტების განსახილველად, აღნიშნული შეხვედრა ყოველ პარასკევს, 12:00-საათზე გაიმართება.

დმანისის მუნიციპალიტეტის მერი, გიორგი ტატუაშვილი, მერიის თანამშრომლებთან ერთად სოფლებში: პატარა დმანისსა და ბოსლებში იმყოფებოდა, სადაც მიმდინარე ინფრასტრუქტურულ პროექტებს გაეცნო.ამ ეტაპზე, სოფელ პატარა დმანისში მიმდინარეობს ფონიჭალა-მარნეული-გუგუთის საერთაშორისო დანიშნულების გზიდან ექსპედიციის ბაზამდე მისასვლელი გზის რეაბილიტაცია.
პროექტის ფარგლებში სანიაღვრე არხებისა და რკინა ბეტონის კედლის მოწყობის სამუშაოებიც განხორციელდება, ხოლო სოფელ ბოსლებში სოფლის შიდა გზისა და სანიაღვრე არხებს ჩაუტარდება რეაბილიტაცია. სამუშაოებს ახორციელებს შპს "ტენომშენ ჯგუფი". სოფელ პატარა დმანისში პროექტის ღირებულება შეაქდგენს 449 000 ლარს, ხოლო სოფელ ბოსლებში 180 000 ლარს.

დღეს, დმანისის მუნიციპალიტეტის მერი გიორგი ტატუაშვილი, მერიის თანამშრომლებთან და საკრებლოს დეპუტატებთან ერთად სოფლების: დიდი და პატარა დმანისის, ვარდისუბნის, ბოსლების და აზ.კაკლიანის მოსახლეობას შეხვდა.
შეხვედრის მიზანს წარმოადგენდა სოფლის მოსახლეობის პრობლემებისა და საჭიროებების გამოვლენა და კომპეტენციის ფარგლებში დახმარების გაწევა. გიორგი ტატუაშვილმა შეხვედრაზე დამსწრე საზოგადოებას გააცნო მუნიციპალიტეტში მიმდინარე სოციალური პროგრამები, სოფლის მხარდაჭერის პროგრამის ფარგლებში განსახორციელებელი პროექტები და მუნიციპალიტეტის მიერ დაგეგმილი სხვა ინფრასტრუქტურული პროექტები. აღსანიშნავია, რომ შეხვდრას ესწრებოდნენ მერის წარმომადგენლები ადმინისტრაციულ ერთეულებში. მოსახლეობასთან შეხვედრები გრძელდება და მოიცავს ყველა ადმინისტრაციულ ერთეულს.

აზერბაიჯანის რესპუბლიკის დიასპორასთან მუშაობის სახელწიფო კომიტეტის თავმჯდომარის ვიზიტი დმანისში.

მიმდინარე წლის 3 აპრილს, დმანისის მუნიციპალიტეტში სამუშაო ვიზიტით, აზრებაიჯანის რესპუბლიკის დიასპორასთან მუშაობის სახელწიფო კომიტეტის თავმჯდომარე, ბატონი ფუად მურადოვი ეწვია.

შეხვედრა ააიპ "დმანისის საგანმანათლებლო ცენტრის" ფოიეში გაიმართა.

შეხვედრას ესწრებოდნენ, დმანისის მუნიციპალიტეტის მაჟორიტარი დეპუტატი, კახაბერ ოქრიაშვილი, ქვემო ქართლში სახელმწიფო რწმუნებულის მოადგილე, კახა კობერიძე, დმანისის მუნიციპალიტეტის მერი, გიორგი ტატუაშვილი, მერის მოადგილე არიფ სულეიმანოვი,  "სოკარ ჯორჯია გაზი"-ს პრეზიდენტი საქართველოში, აზერბაიჯანის ელჩი და საქართველოს საგარეო საქმეთა სამინისტროს წარმომადგენელი.

აღსანიშნავია, რომ შეხვედრა დმანისის მუნიციპალიტეტში მცხოვრებ, ეთიკურად აზერბაიჯანულ მოსახლეობასთან გაიმართა.

დმანისის მუნიციპალიტეტის მერიის ჯანმრთელობისა და სოციალური დაცვის სამსახური,  ადმინისტრაციულ ერთეულებში მერის წარმომადგენელთა კოორდინაციის განყოფილების უფროსი  თემური ზურაბიშვილი,  მერის წარმომადგენელი სარკინეთის ადმინისტრაციულ ერთეულში მურაზ მურჯიკნელი შეხვდნენ  სოფელ ველისპირის, განახლებისა და სარკინეთის მოსახლეობას.

შეხვედრის მიზანს წარმოადგენდა მოსახლეობისთვის ინფორმაციის მიწოდება, როგორც ადგილობრივი ასევე სახელმწიფო სოციალური პროგრამების შესახებ. 

დამსწრე საზოგადოებას  ესაუბრნენ ბავშვებისა და ბავშვიანი ოჯახების სოციალური მგომარეობის გაუმჯობესების მიზნით, საქართველოს პრემიერ-მინისტრის ინიციატივით ბავშვის 10 ლარიანი დანამატის გახუთმაგების შესახებ. ოჯახებს  რომელთა სარეიტინგო ქულაც 1000001 - ზე ნაკლებია 2019 წლის იანვრის თვიდან, 16 წლამდე ასაკის წევრზე მიიღებენ 50 ლარიან შემწეობას.

თვასლაჩინო ადგილზე გამოიკრა ქრონიკული დაავადებების სამკურნალო მედიკამენტებით უზრუნველყოფის პროგრამა, ასევე მერიაში მოქმედი სოციალური პროგრამები.

დღეს მსოფლიოში აუტიზმის შესახებ ცნობადობის ამაღლების საერთაშორისო დღე აღინიშნება. 2007 წლის 18 დეკემბერს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა.

აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.

აუტიზმი მიეკუთვნება ნეიროგანვითარებითი დაავადებების ჯგუფს და ხასიათდება სოციალური ურთიერთობების, კომუნიკაციისა და ქცევის სირთულეებით. ის თანაბრადაა გავრცელებული ყველა რასის, ეროვნების, რელიგიური მრწამსისა და სოციალურ-ეკონომიკური სტატუსის მქონე ადამიანებში.

მიმდინარე წლის 31 მარტს, ქალაქ დმანისში მდებარე საგანგებო სიტუაციების კოორდინაციისა და გადაუდებელი დახმარების ცენტრის დმანისის რაიონულ სამსახურში ,,სხივური მედიცინის ცენტრი" და ,,მარდალეიშვილის სამედიცინო ცენტრი"ს წარმომადგენლებმა  უფასო სამედიცინო აქცია ჩაატარეს.

აქციის ფარგლებში გაიმართა „სხივური მედიცინის ცენტრის“ წამყვანი სპეციალისტების შეხვედრა პირველადი ჯანდაცვის სამედიცინო პერსონალთან, ამბულატორიების ხელმძღვანელებთან- ონკოლოგიური პაციენტების მკურნალობაში არსებულ პრობლემატურ საკითხებთან დაკავშირებით ურთიერთსასრგაბლო ინფორმაციის გაცვლის, გამოცდილების გაზიარების და შესაძლებლობების გაერთიანების ონკოლოგიურ ავადმყოფთა სამედიცინო მომსახურების გაუმჯობესების მიზნით.

სამედიცინო გასინჯვის ფარგლებში მოსახლეობას მიეცა  საშუალება მიეღოთ მაღალკვალიფიციური სპეციალისტების კონსულტაციები. (გინეკოლოგი, მამოლოგი, თავ-კისრის ქირურგი, ენდოკრინოლოგი, გასტროენტეროლოგი, უროლოგი), ასევე ჩატარდა ექოსკოპიური და ენდოსკოპიური კვლევები.

საერთო ჯამში, გამოკვლევა ჩაუტარდა 200-მდე ბენეფიციარს.

მიმდინარე წლის 27 მარტს, დმანისის მუნიციპალიტეტის მერიის საკონფერენციო დარბაზში, არასამთავრობო ორგანიზაცია „ქალები სამართლიანობისთვის“ წარმოამდგენლებმა სამუშაო შეხვედრა გამართეს. შეხვედრის მიზანს წარმოადგენდა სოფლად მცხოვრები ქალების პრობლემების გაცნობა.აღსანიშნავია, რომ „ქალები სამართლიანოსთვის“ 2014 წლიდან გერმანული ფრიდრიხ ებერტის ფონდის მხარდაჭერით ახორციელებს პროექტს, რომელიც სოფლად მცხოვრები ქალების განვითარებაზე მუშაობს. შეხვედრას ესწრებოდნენ დმანისის მუნიციპალიტეტის საკრებულოს გენდერულო საბჭოს წარმომადგენლები, დმანისის მუნიციპალიტეტის მერიის ჯანმრთელობისა და სოციალური დაცვის სამსახურის ხელმძღვანელი, ასევე დმანისელი ქალები.

დღეს, ააიპ "დმანისის კულტურისა და ხელოვნების ცენტრის" დარბაზში, გურგენ გურჩიანი - ფოლკლორული ანსამბლი შგარიდა“- დოკუმენტური ფილმის ჩვენება გაიმართა. (ფილმის რეჟისორი-ცისკარა ფაჩულია). ფილმის ჩვენებას ესწრებოდნენ ფოლკლორის ცენტრის წარმომადგენლები, ფოლკლორის კორიფეები და საზოგადო მოღვაწეები, დმანისის მუნიციპალიტეტის მერიისა და საკრებულოს თანამშრომლები და დაინტერესებული დმანისელი საზოგადოება. პრეზენტაციას უძღვებოდა ერეკლე საღლიანი. პრეზენტაციას გააშუქებს პირველი სამაუწყებლო საზოგადოებრივი არხი.

დმანისის მუნიციპალიტეტის მოსახლეობასთან შეხვედრების ფარგლებში, დღეს მუნიციპალიტეტის მერი გიორგი ტატუაშვილი, მოადგილესთან ზაქარია დაუთაშვილთან და საკრებულოს დეპუტატებთან ერთად სოფლებს: დაგარახლოს, იფნარს, კიზილაჯლოს, ბაღჩალარს, ორმაშენს და კიზილქილისას ესტუმრა. თვითმმართველობის ხელმძღვანელმა პირებმა მოსახლეობის საჭიროებები და პრობლემები უშუალოდ მათგან მოისმინეს და კომპეტენციის ფარგლებში დახმარებას დაპირდნენ. დმანისის მუნიციპალიტეტის მერმა გიორგი ტატუაშვილმა მოსახლეობას სახელმწიფო პროგრამები, ჯანდაცვის პროგრამები და ინფრასტრუქტურის მოწესრიგების მიმართულებით დაგეგმილი სიახლეები გააცნო. აღსანიშნავია, რომ შეხვდრას ესწრებოდნენ მერის წარმომადგენლები ადმინისტრაციულ ერთეულებში. შეხვედრები გრძელდება და მოიცავს ყველა ადმინისტრაციულ ერთეულს.

დმანისელი სპორტსმენების წარმატება !

მიმდინარე წლის 20-21 მარტს, ქალაქ თბილისში ჩატარდა საქართველოს პირველობა მკლავჭიდში, 15 და 18 წლამდე ახალგაზრდებს შორის.

ჩემპიონატში მონაწილეობდნენ დმანისელი სპორტსმენები: მიშიკო გადრანი (15 წლამდე 50 კგ კატეგორია) ზაურ ალიევი (18 წლამდე 55 კგ კატეგორია ) და გიორგი გიორგიევი. (18 წლამდე 55 კგ კატეგორია)

მიშიკო გადრანის ასპარეზობა წარმატებული აღმოჩნდა როგორც მარცხენა ასევე მარჯცვენა ხელით ასპარეზობისას და  50 კგ კატეგორიაში დაიკავა პირველი ადგილი.

ზაურ ალიევმა იასპარეზა მარცხენა ხელით და დაიკავა საპრიზო მეორე ადგილი.

გიორგი გიორგიევმა მაჯვენა ხელით ასპარეზობისას  მოიპოვა საპატიო მესამე ადგილი.

ამ წუთებში, დმანისის მუნიციპალიტეტის მერი გიორგი ტატუაშვილი, მუნიციპალიტეტში მიმდინარე პროექტების განხილვის მიზნით, კონტრაკტორ ორგანიზაციებთან სამუშაო შეხვედრას მართავს. სამუშაო შეხვედრას კონტრაკტორი ორგანიზაციების გარდა ესწრებიან: დმანისის მუნიციპალიტეტის მერის პირველი მოადგილე ბადრი სუბარი, ასევე მერიის სივრცითი მოწყობისა და ინფრასტრუქტურის სამსახურის ხელმძღვანელი თანამშრომლებთან ერთად. აღანიშნავია, რომ მუნიციპალიტეტის მერის - გიორგი ტატუაშვილის გადაწყვეტილებით, მიმდინარე ინფრასტრუქტურული პროექტების განსახილველად, მსგავსი ტიპის შეხვედრები მერიის საკონფერენციო დარბაზში ტრადიციულად ყოველ პარასკევს 12:00 საათზე იმართება.

21 მარტს საქართველოში მცხოვრებ აზერბაიჯანელებს სახალხო დღესასწაული ,,ნოვრუზ ბაირამი” დმანისის მუნიციპალიტეტის მერმა გიორგი ტატუაშვილმა მარნეულის შემდეგ დმანისში გამართულ ღონისძიებაზე მიულოცა.

ყოველი წლის 19 – 21 მარტს ქვემო ქართლში მცხოვრები აზერბაიჯანელი ხალხი ტრადიციულ დღესასწაულს ,,ნოვრუზ ბაირამს“ აღნიშნავს. მიმდინარე წლის 21 მარტს ქალაქ მარნეულში გაიმართა ღონისძიება, რომელიც ,,ნოვრუზ ბაირამის” - ახალი წლის დადგომას მიეძღვნა და ეს დღესასწაული ქვემო ქართლში მცხოვრებმა აზერბაიჯანელებმა ქალაქ მარნეულში გამართულ ღონისძიებაზე იზეიმეს. მარნეულის ცენტრალურ ქუჩაზე ქვემო ქართლის მუნიციპალიტეტებმა წარმოადგინეს აზერბაიჯანული ტრადიციული კუთხე და მოქალაქეებს გაუმასპინძლდნენ ჩაით და ტკბილეულით. მარნეულის შემდეგ ,,ნოვრუზ ბაირამის“ დღესასწაული გაგრძელდა დმანისში სოფელ ქვემო ოროზმანში.

მოეწყო მიმდებარე სოფლების კუთხეები, სადაც გამოიფინა სოფლის ნობათი, ტრადიციული ღონისძიების ფარგლებში სხვადასხვა სპორტული (დოღი, მკლავჭიდი, ძალოსნობა) და კულტურული (ეთნოგრაფიული კუთხის, სოფლის ნობათის და ბავშვთა ნამუშევრების გამოფენა, კონცერტი) ღონისძიებები გაიმართა. ღონისძიებაში მონაწილეობდნენ აზერბაიჯანული სოფლების ინდივიდუალური შემსრულებლები ა(აი)პ დმანისის კულტურისა და ხელოვნების ცენტრის ფოლკლორული ანსამბლები და ქალაქ დმანისის ზ.ჟვანიას სახელობის, სახელმწიფო ადმინისტრირების სკოლის აღსაზრდელები.

დმანისის მუნიციპალიტეტის მერმა გიორგი ტატუაშვვილმა, ქვემო ქართლში სახეწლმწიფო-რწმუნებულის მოადგილესთან კახა კობერიძესთან ერთად კონცერტის მსვლელობისას სცენიდან მიულოცა საქართველოში მცხოვრებ აზერბაიჯანელებს სახალხო დღესასწაული და სიმბოლური საჩუქრები გადასცა, საქართველოს სხვადასხვა უმაღლესი სასწავლებლების წარმატებულ აზერბაიჯანელ სტუდენტებს. დაჯილდოვდნენ სპორტულ ღონისძიებებში გამარჯვებულებიც.

აღსანიშნავია, რომ დმანისის მუნიციპალიტეტის მერმა გიორგი ტატუაშვილმა დმანისში მცოვრებ აზერბაიჯანელებს "ნოვრუზ ბაირამი", დმანისის მაჟორიტარი დეპუტატის კახაბერ ოქრიაშვილის სახელითაც მიულოცა.

მიმდინარე წლის 16 იანვარს, ძლიერი ქარის შედეგად დაზიანებული მრავალბინიანი საცხოვრებელი კორპუსის სახურავების მოწყობის სამუშაოები დასრულებულია.

დასრულებულ სამუშაოებს ადგილზე გაეცნო და მოსახლეობას შეხვდა  დმანისის მუნიციპალიტეტის მერი, გიორგი ტატუაშვილი.

შეხვედრაზე ასევე იმყოფებოდნენ დმანისის მუნიციპალიტეტის მერიისა და საკრებულოს წარმომადგენლები.

ამ ეტაპისთვის ქ. დმანისში 26 მაისის N9 და ვახტანგ გორგასლის ქუჩა N7- ში განთავსებული ბინის სახურავები გამოიცვალა.

პროექტის ღირებულება ჯამში 280 261 ლარს შეადგენს.

სამუშაოები განახორციელა შპს "ნიუსითი"

დმანისის მუნიციპალიტეტში სოფლის მოსახლეობასთან შეხვედრები დაიწყო

მიმიდნარე წლის 19 მარტს, დმანისის მუნიციპალიტეტის მერი, გიორგი ტატუაშვილი, მოადგილესთან, არიფ სულეიმანოვთან და დმანისის მუნიციპალიტეტის საკრებულოს წევრებთან ერთად სოფელ ირგანჩაის, ამამლოს, მამიშლოს, საფარლოსა და ბაზაქლოს მოსახლეობას შეხვდა.

შეხვედრის მიზანს წარმოადგენდა სოფლის მოსახლეობის პრობლემებისა და საჭიროებების გამოვლენა.

გიორგი ტატუაშვილმა, შეხვედრაზე დამსწრე საზოგადოებას გააცნო, მუნიციპალიტეტში მიმდინარე სოციალური პროგრამები, სოფლის მხარდაჭერის პროგრამის ფარგლებში განსახორციელებელი პროექტები და მუნიციპალიტეტის მიერ დაგეგმილი სხვა ინფრასტრუქტურული პროექტები.

აღსანიშნავია, რომ შეხვდრას ესწრებოდნენ მერის წარმომადგენლები ადმინისტრაციულ ერთეულებში.

შეხვედრები გრძელდება და მოიცავს ყველა ადმინისტრაციულ ერთეულს.