სიახლეების გამოწერა

მიმდინარე წლის 14 მაისს რუსთავში საქართველოს კონსტიტუციური კანონის პროექტის საყოველთაო–სახალხო განხილვა მოეწყო. დოკუმენტში განსახორციელებელი ცვლილებები, რუსთაველებს საყოველთაო-სახალხო განხილვის საორგანიზაციო კომისიამ ირაკლი კობახიძის ხელმძღვანელობით წარუდგინა. შეხვედრა გიგა ლორთქიფანიძის სახელობის რუსთავის მუნიციპალურ თეატრში გაიმართა, რომელსაც მხარისა და ქალაქის ხელმძღვანელი პირები, პარლამენტში რუსთავის მაჟორიტარი დეპუტატები, პოლიტიკური პარტიების, არასამთავრობო ორგანიზაციების წარმომადგენლები და თემით დაინტერესებული მოქალაქეები დაესწრნენ.

2017 წლის 8 მაისს ქალაქ დმანისში სამოყვარულო ფეხბურთის მუნიციპალიტეტის ნახევარფინალური შეხვედრა გაიმართა.

ერთმანეთს დაუპირისპირდნენ სოფელ ჯავახის და ქალაქ დმანისის, სოფელ ამამლოს და სოფელ შინდლარის გუნდები.

მიმდინარე წლის 10 მაისს ბოლნისის რაიონული პროკურატურის ორგანიზებით, ააიპ დმანისის კულტურისა და ხელოვნების ცენტრის ხატვის სტუდიის აღსაზრდელებმა (პედაგოგი ავთანდილ ნარსავიძე) დმანისში გადასასვლელები მოხატეს. საქართველოს პროკურატურა კამპანიას – „არ დაარღვიო საგზაო მოძრაობის წესები“ პროექტ „საზოგადოებრივი პროკურატურის“ ფარგლებში ახორციელებს და მისი მიზანია მოსახლეობისთვის ავტოსაგზაო შემთხვევების გამომწვევ მიზეზებზე და ქმედებებზე ინფორმირება, სატრანსპორტო დანაშაულზე ცნობიერების ამაღლება და ავტოსაგზაო შემთხვევების პრევენცია.

დმანისის მუნიციპალიტეტის თვითმმართველობის ხელმძღვანელმა პირებმა ფაშიზმზე გამარჯვების 72-ე წლისთავი პირადად მიულოცეს დმანისელ ვეტერანებს, მადლობა გადაუხადეს ქვეყნის წინაშე მათ მიერ გაწეული ღვაწლისთვის და საქართველოს პრემიერ-მინისტრის გიორგი კვირიკაშვილის მისალოცი ბარათები გადასცეს.

აღნიშნული თარიღისადმი მიძღვნილი ღონისძიება დმანისის ახალგაზრდულ ცენტრში, ააიპ კულტურისა და ხელოვნების ცენტრის მხარდაჭერით გაიმართა. საღამო მუსიკალურად გაალამაზა ფოლკლორულმა ანსამბლმა ,,კიდევაც დაიზრდებიან", ინტერნაციონალურმა ანსამბლმა ,,დმანისური აისი. თეატრალური სტუდიის ,,ბერიკები" აღსაზრდელმა ნიკოლოზ ციგრიაშვილმა წაიკითხა ლექსი ,,ღიმილის ბიჭი ვიყავი".

მიმდინარე წლის 4 მაისს დმანისის მუნიციპალიტეტის მოსახლეობას ,,C'' ჰეპატიტის უფასო სკრინინგ-ტესტირება ჩაუტარდა.

მობილური ლაბორატორია დმანისის მუნიციპალიტეტის სოფელ ამამლოს ამბულატორიის შენობასთან 12 საათიდან იყო განთავსებული და ნებისმიერ მოქალაქეს ჰქონდა საშუალება ჩაეტარებინა С ჰეპატიტის უფასო სკრინინგი. აღნიშნული აქტივობა განხორციელდა ,,С'' ჰეპატიტის ელიმინაციის პროგრამის ფარგლებში დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ, დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის და ადგილობრივი საზოგადოებრივი ჯანდაცვის ცენტრის ხელშეწყობით

მიმდინარე წლის 3 მაისს სახალხო დამცველი დმანისის მუნიციპალიტეტის მოსახლეობას შეხვდა.
შეხვედრა კითხვა-პასუხის რეჟიმში წარიმართა.
საუბარი შეეხო იმ პრობლემებს რაც აწუხებს დმანისის მოსახლეობას.

სპორტული პროექტი, რომელიც საქართველოს ფეხბურთის ფედერაციისა და საქართველოს სამოყვარულო ფეხბურთის ასოციაციის ორგანიზებით და ქართული ფეხბურთის განვითარების ფონდთან თანამშრომლობით ხორციელდება, მთელი ქვეყნის მასშტაბით ვრცელდება.

მოყვარულთა თასი 2017 ჩატარდება სამ ეტაპად - მუნიციპალური, რეგიონალური და ფინალური. 
მუნიციპალურ ეტაპზე მონაწილეობას მიიღებენ კონკრეტული მუნიციპალიტეტის გუნდები, რომლებიც იასპარეზებენ თასის სისტემით, ერთ წრედ. მუნიციპალური თასის გამარჯვებული და ზოგიერთ შემთხვევაში, პრიზიორი გუნდი იასპარეზებს რეგიონალურ ლიგაზე.

„ჩვენ თქვენი მეგობრები ვართ“- პროექტის ფარგლებში 1 მაისს ქალაქ თბილისში, გასართობ ცენტრ „მინიონებში“ შშმ და მძიმე ონკოლოგიურად დაავადებული ბავშვებისთვის ღონისძიება გაიმართა.

პროექტის მხარდამჭერია დმანისის მუნიციპალიტეტი.
ღონისძიებაში მონაწილეობა მიიღეს ქართული შოუბიზნესისა და რუსეთიდან ჩამოსულმა კინოსა და თეატრის მსახიობებმა.

დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის, გაზეთი ინტერნაციონალის და ნატალია კვანტალიანის სახელობის სისხლის ცენტრალური ბანკის ერთობლივი ინიციატივით, მიმდინარე წლის 30 აპრილს შპს ახალ სამედიცინო ცენტრში, შეზღუდული შესაძლებლობის სტატუსის მქონე ბავშვებისათვის უანგარო დონორთა აქცია - „გაიღე სისხლი, გადაარჩინე სიცოცხლე“ გაიმართა.

აქციაში მონაწილეობა მიიღეს დმანისის მუნიციპალიტეტის გამგებელმა გოგი ბარბაქაძემ, გამგეობის და საკრებულოს წარმომადგენლებმა, შსს დმანისის რაიონული სამმართველოს თანამშრომლებმა.

მიმდინარე წლის 26-27 აპრილს დმანისის მუნიციპალიტეტის სოფელ განთიადში გაიმართა მინი ფეხბურთი ,,სპორტი ბარიერების გარეშე" - პროგრამის ფარგლებში. სადაც მონაწილეობდა დმანისის მუნიციპალიტეტის შვიდი გუნდი.
გამარჯვება მოიპოვა ქალაქ დმანისის გუნდმა.

მიმდინარე წლის 27 აპრილს დმანისის მუნიციპალიტეტის მოსახლეობას ,,C'' ჰეპატიტის უფასო სკრინინგ-ტესტირება ჩაუტარდა.

მობილური ლაბორატორია დმანისის მუნიციპალიტეტის სოფელ კარაბულახის ამბულატორიის შენობასთან 12 საათიდან იყო განთავსებული და ნებისმიერ მოქალაქეს ჰქონდა საშუალება ჩაეტარებინა С ჰეპატიტის უფასო სკრინინგი.

სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის ეროვნული ცენტრი“ ახორციელებს შემდეგ სპორტულ აქტივობებს: 
1.საბავშვო ქუჩის ფეხბურთის ფესტივალი
2. საბავშვო ქუჩის კალთბურთის ახალგაზრდული ფესტივალი
3.სპრინტი -60 მეტრზე
4. ჭადრაკი

მიმდინარე წლის 25 აპრილს, დმანისის მუნიციპალიტეტის სოფელ განთიადში საზეიმო ვითარებაში გაიხსნა სოფლის ბიბლიოთეკა.

ბიბლიოთეკის გახსნაზე განთიადის საჯარო სკოლის აღსაზრდელებმა წაიკითხეს ცნობილი ქართველი პოეტების ლექსები.

დმანისის მუნიციპალიტეტის გამგებელმა გოგი ბარბაქაძემ და საქართველოს პარლამენტის ეროვნული ბიბლიოთეკის წარმომადგენელმა გურამ თაყნიაშვილმა სიმბოლური გახსნა ლენტის გაჭრით აღნიშნეს.

მიმდინარე წლის 24 აპრილს საქართველოს კულტურისა და ძეგლთა დაცვის სამინისტროს, ასევე დმანისის მუნიციპალიტეტის თვითმმართველობის მხარდაჭერით, ლიტერატურულ-საგანმანათლებლო პროექტის „ცოცხალი წიგნები“ -ის ფარგლებში თანამედროვე ქართველი მწერლების და პოეტების მობილური ჯგუფი დმანისის მუნიციპალიტეტს ესტუმრა.

ჯგუფის შემადგენლობაში არიან: ნინო გუგეშაშვილი, ლელა ცუცქირიძე, ნიკა ჩერქეზიშვილი, გიორგი კაკაბაძე, რობერტ მესხი, მარიამ წიკლაური.

,,მიმდინარე წლის 19-20 აპრილს, ქალაქ ქუთაისში გაიმართა საქართველოს პირველობა ძალოსნობაში, სადაც წარმატებით იასპარეზა დმანისელმა გოგონამ მაკა ვეფხვაძემ. ამ შედეგით მაკამ დაიმკვიდრა ადგილი საქართველოს ეროვნულ ნაკრებში" - ისაუბრა მაკა ვეფხვაძის პირველმა მწვრთნელმა: ალესანდრე დაუთაშვილმა.

2017 წლის სასკოლო სპორტული ოლიმპიადის რეგიონული ღონისძიება გეზრბენში (კროსი) დმანისის მუნიციპალიტეტში პანტიანის ტბის მიმდებარე ტერიტორიაზე გაიმართა.

ღონისძიებაში მონაწილეობა მიიღო ქვემო ქართლის რეგიონის ყველა მუნიციპალიტეტის გუნდმა.

22 აპრილს დმანისის მუნიციპალიტეტში დედამიწის დღესთან დაკავშირებით, ,,სუფთად ევროპისკენ” - კამპანიის ფარგლებში, დასუფთავების აქცია მოეწყო.
დმანისის მუნიციპალიტეტის საკრებულოს, გამგეობის და ა(ა)იპ სამსაურების თანამშრომლებმა, სოფელ პანტიანის ტბის მიმდებარე ტერიტორია დაასუფთავეს პოლიეთილენის ბოთლების, პარკებისა და სხვა საყოფაცხოვრებო ნარჩენებისგან.

მიმდინარე წლის 21 აპრილს დმანისის კულტურისა და ხელოვნების ცენტრში აღდგომის ბრწყინვალე დღესასწაული, დედაენის და სიყვარულის დღე აღინიშნა.

ღონისძიებაზე მოწვეული იყვნენ ქალაქ დმანისის სამივე საჯარო სკოლისა და სოფლების: განთიადის, ჯავახის, ბოსლების, მაშავერის, დიდი დმანისის, ვარდისუბნის, გომარეთის პირველი კლასის პედაგოგები. მოწვეული იყო ასევე სოფელ ჯავახის საჯარო სკოლის დამსახურებული ფილოლოგი ზამირა ორქიაშვილი, რომელმაც საკუთარი ლექსი წაიკითხა. პედაგოგებს დმანისის მუნიციპალიტეტის თვითმმართველობის სახელით გადაეცათ სიმბოლური საჩუქრები.

მიმდინარე წლის 12 აპრილს დმანისის მუნიციპალიტეტში, გამგეობის მხარდაჭერით გაიმართა სათესლე-სანერგე კულტურების გამოფენა-გაყიდვა.

ადგილობრივ ფერმერებს მიეცათ საშუალება შეეძინათ ახალი კულტურები და თანამედროვე ტექნოლოგიების გათვალისწინებით მიიღეს ინფორმაცია მათი მოვლა-მოყვანის თანამედროვე მეთოდების შესახებ.

დმანისელებმა დღეს ტრადიციულად 1989 წლის 9 აპრილის ტრაგედია და ქვეყნის დამოუკიდებლობისა და ერთიანობისათვის თავგანწირული ადამიანები გაიხსენეს. მემორიალი გვირგვინით შეამკეს და პატივი მიაგეს დაღუპულთა ხსოვნას.

1989 წლის 9 აპრილის ტრაგედიიდან დღეს 28 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა.