სიახლეების გამოწერა

დმანისის მუნიციპალიტეტის მერმა, კობა მურადაშვილმა და საკრებულოს თავმჯდომარემ, პაატა ყულიაშვილმა  შესაბამისი სამსახურების ხელმძღვანელებთან ერთად,  მუნიციპალიტეტში მიმდინარე და დასრულებული პროექტები მოინახულეს.

დმანისის მუნიციპალიტეტის მერი, კობა მურადაშვილი და საკრებულოს თავმჯდომარე, პაატა ყულიაშვილი, დღეს საბავშვო (საფესტივალო) რაგბის კლუბი "დმანისის ყოჩები"- ის ვარჯიშს ესწრებოდნენ.

დმანისის მუნიციპალიტეტში დღეს,  შუქრი ჩხეტიანის სახელობის ტურნირის ფინალური შეხვედრა გაიმართა, სადაც ერთმანეთს მერიისა და „სოკარ ჯორჯია გაზის“ გუნდები დაუპირისპირდნენ. გამარჯვება მოიპოვა „სოკარ ჯორჯია გაზის“ გუნდმა ანგარიშით 6:4. ფინალურ შეხვედრას ესწრებოდნენ დმანისის მუნიციპალიტეტის თვითმმართველობის წარმომადგენლები და შუქრი ჩხეტიანის ოჯახის წევრები. პირველ ადგილზე გასულ გუნდს გამარჯვება პირადად შუქრი ჩხეტიანის ძმამ, სლავა ჩხეტიანმა მიულოცა და გარდამავალი თასი, სიგელი და ფეხბურთის ბურთი გადასცა. მეორე ადგილზე გასულ გუნდს კი, მერიის სახელით, ფეხბურთის ბურთი და სიგელი გადაეცა. ღონისძიება დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურისა და ა(ა)იპ დმანისის ომარ მუმლაძის სახელობის სპორტული სკოლის ორგანიზებით გაიმართა.

დღეს,  ა(აიპ) ,,სამუსიკო სკოლამ"  საანგარიშო ღონისძიება ჩაატარა. რომელსაც ადგილობრივი თვითმმართველობის წარმომადგენლები, პედაგოგები და მშობლები ესწრებოდნენ. შესრულდა სხვადასხვა კომპოზიტორების ნაწარმოებები. ღონისძიებამ თბილ და მყუდრო გარემოში ჩაიარა.

დღეს, სოფელ გომარეთში ტრადიციულად სახალხო-საეკლესიო ზეიმი ,,გომარეთობა” აღინიშნა, რომელიც ყოველთვის მართლმადიდებლური დღესასწაულის ,,სულთმოფენობის” დღეს აღინიშნება.

დმანისის მუნიციპალიტეტში, პანტიანის ტბის მიმდებარე ტერიტორიაზე გარემოს დაცვის საერთაშორისო დღესთან დაკავშირებით, მერიის ორგანიზებით დასუფთავების აქცია გაიმართა. დმანისის მუნიციპალიტეტის მერის, კობა მურადაშვილის განცხადებით, აღნიშნული კამპანიის მიზანია მოსახლეობის გარემოსდაცვითი პასუხისმგებლობის გაზრდა, სუფთა და ჯანსაღი საცხოვრებელი გარემოს შექმნა.

ბავშვთა საერთაშორისო დღესთან დაკავშირებით, დმანისის მუნიციპალიტეტის მერიის ჯანმრთელობისა და სოციალური დაცვის სამსახურის, ბავშვის უფლებათა დაცვისა და მხარდაჭერის განყოფილების წარმომადგენლები, მათ მზრუნველობაში მყოფ ბენეფიციარებს პირადად ესტუმრნენ, მიულოცეს დღევანდელი დღე და სიმბოლური საჩუქრები გადასცეს.

ბავშვებს ნინოობა და ბავშვთა დაცვის საერთაშორისო დღე დმანისის მუნიციპალიტეტის მერმა, კობა მურადაშვილმა მიულოცა. საზეიმო ღონისძიებები მუნიციპალიტეტის ყველა სააღმზრდელო დაწესებულებაში გაიმართა. ბავშვებმა შეასრულეს ქორეოგრაფიული და მუსიკალური ნომრები, წაიკითხეს ლექსები. ღონისძიებას მუნიციპალიტეტის ხელმძღვანელ პირებთან ერთად საგანმანათლებლო რესურსცენტრის ხელმძღვანელი ესწრებოდა.

დმანისის მუნიციპალიტეტის მერმა, კობა მურადაშვილმა, ავსტრიის ელჩმა თომას მიულმანმა და იგპ ქალთა ასოციაცია „თანხმობის“ თავმჯდომარემ, იულია ხარაშვილმა, დღეს „მხარდაჭერის სახლის“ დმანისის ფილიალი გახსნეს.

დმანისის მუნიციპალიტეტის მერმა, კობა მურადაშვილმა, მუნიციპალიტეტის ხელმძღვანელ პირებთან ერთად, შსს ქვემო ქართლის პოლიციის დეპარტამენტის დმანისის რაიონული სამმართველოს თანამშომლებს პოლიციის დღე მიულოცა, მადლობა გადაუხადა სამშობლოს ღირსეული მსახურებისთვის და სიმბოლური საჩუქრები გადასცა.

დმანისის მუნიციპალიტეტის მერიის ორგანიზებით, დამოუკიდებლობის დღე - 26 მაისი მასშტაბურად აღინიშნა. საზეიმო ღონისძიებები დმანისის ნაქალაქარზე, ფიცის დადების ცერემონიალით დაიწყო, რომელსაც მუნიციპალიტეტის მერი კობა მურადაშვილი, თვითმმართველობის ხელმძღვანელ პირებთან ერთად დაესწრო. 

ა(ა)იპ დმანისის კულტურისა და ხელოვნების ცენტრის ორგანიზებითა და დმანისის მუნიციპალიტეტის მერიის მხარდაჭერით დღეს, კულტურისა და ხელოვნების ცენტრში მუზეუმის საერთაშორისო დღე აღინიშნა.

დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზებითა და ერასმუს+ საინფორმაციო ცენტრისა და SALTO EECA-ს მხარდაჭერით, ქალაქ დმანისის საგანმანათლებლო ცენტრში, ევროპის დღესთან დაკავშირებით, ახალგაზრდებთან შემეცნებითი შეხვედრა გაიმართა თემაზე ევროპული ქარტია ადგილობრივი ახალგაზრდული საქმიანობის შესახებ, ახალგაზრდული გაცვლითი/მოხალისეობრივი პროგრამები და მათი შესაძლებლობები, რომელსაც "ახალგაზრდული ასოციაცია დრონის" წარმომადგენელი უძღვებოდა, შეხვედრის ფარგლებში უცხოელმა მოხალისეებმა დმანისელ ახალგაზრდები შემეცნებითი თამაშებით გაახალისეს.